執著定硬頸

　　今日有時間睇ｃａｂｌｅ　ｔｖ睇菁姐，未知係咪因為市況低迷，打去問菁姐的人受捱鬧的機會少了，但今日有位女仕說買中國鋁業輸了十幾萬，她問菁姐點好，言語間表示仲想再買，菁姐聽了即刻大發雷霆．．．．．．最後一句就說買股票唔好咁執著黎作結尾。

　　其實我當時諗既係唔係叫執著係叫硬頸，就算輸了都唔係擰頭，執著在我的字典係向好的一方面執著，向壞的我多數講硬頸。

　　聽眾女仕佢好硬頸，中國鋁業已經減價求速銷，加上國內經濟放緩對其影響不少，要是說買，我說有排佢等，何必硬頸去望一隻蝕錢的貨？

　　如說執者，我會說阿ｔｏｍｈｋ好執著買內銀股，因為內銀股長遠必升，因為內銀股受外國影響盈利，但都是短暫，因為未看到有什麼政策或方向對他不利，所以點都要買！

　　既然明知內銀長遠必好，為何不執著買內銀，而硬頸買隱憂股？　

　　我老豆他硬頸所以９７年中了仙股災，我朋友他硬頸，為了碧桂園放棄了內銀，我說他們好硬頭，佢地話我天空樓閣，真係硬頸！！

　　當然我都好硬頸，因為中行同移動的蟹貨我繼續坐　哈哈哈！

　　股市很漫長，股市令人著迷的地方在於一日很多波幅　，當你看到每日既股價買得多　好彩ｄ一野買中可以賺成個月糧，一日或者一星期或者一個月，但日子一耐就好似渡日如年，忘記左只是過左一日，你記住離年底還有３個月丫。

　　另外，我進近說來年中有機會見底，其實我自己都係估估下，不過若然要說３．５的工商銀行　４．２的建行　２．５的中行　對於佢地會否落到呢ｄ　位我自己都唔肯定，不過以佢地今日收市價黎看　工行４．７元徘徊，建行５．２元，中行３元，其實呢ｄ價位慢慢慢咁吸納都是值得，因為要估底實在太難了。