阿寶疑案(加了相)
2008/10/03 00:00:00 網誌分類: 寫作
某晚放工回家,以為發生兇案,地板、牆壁、浴室洗手盆都有血跡,阿寶更渾身是血,原來牠弄損了自己的尾巴,傷口在淌血。
之前見牠團團轉追著自己尾巴來咬,還笑牠「傻更更」,豈料牠竟咬到自己流血。急急看獸醫,他也嘖嘖稱奇,貓不可能襲擊自己條尾呀?想來想去沒原因,只能包紮好,讓傷口瘉合,繃帶纏到尾巴像聖誕樹似的。
獸醫見阿寶有牙石,順道替牠清理了,搞到連貓口都流血。不過阿寶很有趣,喜歡人多過貓,同類哪個不順眼,一巴掌便抽過去,但對人卻是千依百順,一直忍受着,實在痛得不得了,都只是想逃走,無咬人更沒有出爪,獸醫忍不住讚牠:「好貓!」
「好貓」回到家,乖乖的沒把繃帶咬散,而我繼續思索這件疑案,貓,有時真是解不透!
紮到成棵聖誕樹似的尾巴,不到兩日就給牠咬了下來,又流了點血。
傻寶當自己條尾是仇人,追住來咬,唯有戴住太空罩,悶悶不樂的牠懶在主人腳上睡覺。醫生說,還要多戴十日呀。
貓子,
點呀你隻貓貓?佢哋病到無心機,主人睇見心又痛,貓貓又乘機嗲多你兩嗲。
我隻貓近日皮膚受感染抓損了自己塊面,好番啲又再整損。前日終於無可奈何地要幫佢帶個罩,佢即刻極度沮喪,成日攤在梳化上,唔願自己去食去疴。依家佢好似大少咁,飯來張口(仲要係最好味的罐頭或零食才肯食),要抱佢去水喉飲手上慢流的水,要抱佢去沙盆至疴。好down好down啊!佢以經兩日冇大便,如果今晚都唔疴,真係唔知點算。真係令人擔心!
有一種頭罩是軟身,貓貓比較會舒適D。
更慘是牠不斷咬損自己條尾,獸醫下令要一直戴著太空罩,直至完全好番為止呀。
貓貓好惨慘啊..