電腦比我攪掂啦

　　哈哈哈，終於比我攪掂部新腦，電腦係現時社會上一間屋企有多部電腦已經係家常便飯，所以識整電腦都唔使驚冇飯食。

　　先講呢部腦，用了ＡＭＤ既四核心，ＡＭＤ係好多電腦用家黎講可以話係中流底柱，雖然ＡＭＤ係用家市場同技術方面仍然唔能夠同ＩＮＴＥＬ比較，不過若然希望可以一嘗技術但不求頂尖，ＡＭＤ可以話做得不錯，價錢比ＩＮＴＥＬ平，但效果不差太遠，絕對岩要求唔太高既用家，並且有著對抗強大既感覺。

　　現代既電腦市場可以話係成本非常低，絕非好似２０００年時，一部廠機都需要８０００元以上，隨住科技進步，技術既提升同埋成本控制，現時主流大廠差唔多得十隻手指數得晒，可以話門檻非常高。

　　係中國，電腦都已經普及化，內地人既生活方式絕不比香港差（某幾個區），對於科技既追求可能分分鐘都勁過香港，還記得當年聯想比人話蛇吞象，不過差唔多用左６年時間已經抬番起頭上黎，而佢地既手提電腦已經漸漸打入本地市場，並受到香港用家喜歡。