金融海嘯的可怕 2

雷曼兄弟破產, 大家已經領教過, 買了佢D產品的苦主的慘狀了ｏ

再看看冰島銀行出事, 英國立即利用反恐法凍結冰島在英的資產！以期告冰島政府, 攞番自已國家的人民, 存入冰島銀行D錢！可見銀行破產, D錢化為烏有, 乃天下第一恐怖之事！

大家又想想自已放在銀行的錢. 一朝像雷曼兄弟迷你債券一樣, 血本無歸！係咪非常十分之可怕呢？

但如果存戶𣎴停擠提！冇一間銀行可以頂得順的, 因為銀行大部分銀都用咗去投資, 例如借俾人做生意呀, 去買美國國債呀！咁先至有息派俾存戶也！如果大家擠提！銀行就冧！一冧就D錢冇晒！大劑啩？

所以英國就第一個提出全部存欵, 國家保証！銀行有難！國家入股！即你信政府唔會破產, 就乜事都冇！

美國佬只保25万美元, 而家就發覺有D人多過25万美元, 就要做嘢！所以要學英國全部孭起晒至得！

香港就只保十万港元！要保多過十万就要去唔同銀行再多幾個戶口至得！而家香港至考慮緊提高至二十万！慢吞吞！一有事就踢晒腳嘞！希望冇事啦！

所以第一件可怕事, 就係要睇吓, 仲有冇銀行倒閉！