泰林泰林
2008/10/19 00:20:39
網誌分類:
時事
泰林這間老牌電器鋪, 相信很多人也幫襯過o黃SIR印象中, 這是一間管理得不錯的公司, 銷售手法也很少旁門左道!
有一段時期, 黄SIR頗喜買小電器時四圍格價!因此發現有D小電器鋪, 刻意報一個低到不能再低的價!成交後, 發覺原來是扣起了主要配件!結果不能運作, 要高價贖回!認真吹漲!
又試過, 雜牌冒名牌!水貨當行貨!總之好多不良招數!但泰林在這方面算是商譽不錯!
時至今日, 泰記頂唔住金融海嘯, 一嘢收皮!真可惜!
至於年紀大的朋友, 一定記得有間電器鋪, 叫平霸!在電視上賣廣告!
乜乜乜!平霸啦!
物物物!平霸啦!
十分之跨張!結果又係單單平, 稱不了霸!執笠收塲!
似乎今次泰林其中一死因是租貴!唔知D企業執得两執, D租會唔會平番D呢?記得沙士時, 雲吞麵八皮十皮都有一碗!而家成二十文!(銅鑼灣何洪記二十五皮!)
如果变番八皮嘢一碗!咁金融海嘯又唔衰得晒噃!
灣仔有一檔咪係咁平囉~