苦中作樂
2008/10/19 18:32:32
網誌分類:
時事
有個歇後語, 叫做 黄蓮樹底彈琵琶 (最好揾秋田姐彈!), 意思即苦中作樂也!
金融海嘯打到泥, 雷曼債仔損失慘重, URIGHT執笠!泰林執笠!又將會有好多人失業!經濟衰退!苦日子又來臨!
但據黄SIR在03年沙士期間, 經驗所得, 苦中也有樂的份兒!
例如一眾食肆, 減價促銷, 可以用平價吃到美食!何樂而不為!
一眾服務行業的員工, 為了保住飯碗, 招呼周到, 洒樓的老虎眼部長(只直望, 平時你通常叫唔倒佢做嘢!)也主動來冲茶遞水了!
政府又會叫D失業嘅人做小販自救, 又可以隨處有平貨買了, 聽說泰林如果找不到白武士就三折清貨!又有平電器執了!
D衣服, 鞋, 各類日常用品, 全線平賣!人人渴水!CASH IS KING!你話開唔開心?
仲有份工D幸運兒, 再唔駛加班, 早早歸家享受天倫之樂!小朋友在親子環境下,成長也會快樂些也!係咪因禍得福呢?吓?
行過D地產代理公司, 嘩!D樓價跌咗成二十巴仙, D租相應都平晒!相信D商店執吓執吓, 商場D租一讓平番晒!
大快活十文下午茶餐的日子又來臨矣!
所以大家唔駛太擔心, 平常心就是!
上次沙示一役, 黄SIR就乘機退休!玩到今時今日, 都相當快樂也!
回應
(0)
我要發表