股市祈福黨

當閣下手持一隻一百元的股票, 失驚無神, 有位仁兄話俾你聽, 呢隻股只值七十五皮ｏ你信到十足！係咪雞咁腳走咗貨先, 遲D補番都賺二十五皮啦！如再低D仲妙！嬴到笑！（第一類水魚！）

如果你手上冇股, 又心思思想入貨ｏ聽倒隻嘢只值七十五皮, 咁九十, 八十五, 七十六, 你都唔會買, 因為七十五至係你嘅入貨價也！（第二類水魚！）

對於一D想推低呢隻股票的朋友！第一類水魚幫手一齊推冧！第二類水魚永唔會阻人發達, 人賣你就買鬼佐！（冇人接先至跌得快也！）

所以有心人如果真想揾水魚, 股票永不會真的到七十五價ｏ可能到七十六就要回昇了！第一類的朋友, 永遠補唔番！第二類的朋友, 永遠買唔倒！這就說明了為什么D大行報告, 永遠都唔準！除非個隻股票唔係佢間大行的目標！但如果唔係佢目標, 又做乜嘥子彈呢？（用吓腦啦！）

你經過雷曼兄弟事件後, 你仲信什么 唉！病！（I BANK！）什么大行, 咁都想嬴倒錢！黄SIR真係服得你好緊要了！