股票嬴錢原理
2008/10/28 18:20:58 網誌分類: 經濟
原理同亞媽係女人一樣咁淺白, 就係低價時就買, 高價時就賣鬼咗佢!咪鬼同佢談戀愛!次次做啱就包嬴!
但點解又好多人會在股市中輸錢呢?
想想在股市大牛市時, 個市日日昇, 賣咗就呻笨!有股票賣咗就買唔番!亦時不時有D大行話俾你聽, 什么什么目標價是二百文!一日未到價, D儍瓜又點肯早賣呢?好了!到一百九十文回順了, 跌了十文, 你又望再上番去至賣!結果一浪比一浪低, 最終賣不成, 做了大閘蟹!
好了到了大熊市(即而家個市), 什么什么跌到一百文, 又有人(大行)話俾你聽, 只值七十或六十, 咁你又怕再輸同步走咗先, 諗住跌多三四十文補番, 又嬴啦!但由始至終未到價一直補唔番!結果咪一塲歡喜一塲空囉!輸錢離塲!
本來股票是俾人集資做生意, 生意賺錢就有息收囉!但大熊市, 又有人話俾你聽熊市冇息派嫁, 咁低低你都唔會買啦!低又唔買, 高又唔賣!咁又點嬴錢呢?吓?
所以雖然低買高賣咁易嬴!但D人亞芝亞佐就成日做唔倒!
而家成街都係苦主!黄SIR都唔知點安慰佢地嘞!
話口未完o隻𣿬豐又由七十五文直昇上九十皮!哈!係咪又嬴唔倒低買高賣呢?嘻嘻!
回應 (0)
我要發表