名不正則言不順

子曰: 必也正名乎？ 名不正則言不順, 言不順, 則事不成！

報載民主黨認為傳媒不應叫, 佢地而家幫索D雷曼迷你債券的人做苦主！佢地認為苦主乃家裡死咗人才叫苦主！呢班人只是財物損失, 屋企冇死到人, 所以冇理由叫做苦主也！（得閒過頭！玩文字遊戲！）

佢地提議應稱呼佢地, 做雷曼迷債受害人！佢地只是受害吧了！（黄SIR按: 受害仲衰, 有D時候, 傳媒都稱呼一D死者做受害人啦！咪仲大劑過苦主？）

誰知黄SIR上網一看, 明報新聞居然稱這班人做雷曼投資者！

近千雷曼投資者燭光晚會

(明報)11月8日 星期六 23:15

如此一來, 就大劑了！政府宣傳經常話投資事泄及風險, 要市民小心謹慎！而今閣下投資失敗, 又有何理據去追討賠償呢？

此事能追討者, 只是受騙的公公婆婆！而經常走去套息, 去買ELN之投資人士,根本冇理由追討！否則有人會問, 咁未爆之前, 佢地嬴咗果D, 又點計先？

如此一來, 民主黨今次搞正名, 就搞出了大頭佛了ｏ

既然正名為雷曼迷債投資者, 咁就唔係苦主, 又唔係受害人啦！咁仲鬼有人同情佢地咩？

正笨蛋！