在人術中而不自覺

話說蘇秦先生聯合了六國, 封了做六國丞相,  但依然有一個秦國是對手ｏ

與他同學於鬼谷子之張儀先生, 此時正落難, 求救於蘇秦, 點知蘇秦呢條衰仔, 連門口都唔俾佢入, 反面無情, 叫佢走, 氣到張儀先生差D嘔血, 唯有死死氣返賓館ｏ

正當佢愁冇水返歸, 唔知點算之際, 忽然有一名生意佬出現（宝药黨？）話張儀:你都冇路行了, 不如跟我去, 遊說秦國啦ｏ張儀先生見有人打本俾佢搏多次, 死人都應承啦ｏ（絕處逢生, 咁喬？有冇DD懷疑呢？）

於是張儀同生意佬夾計, 去秦國揾老襯ｏ（一個有錢, 一個有計）自不然成功啦ｏ於是張儀做了秦國的丞相, 正想同拍檔共享富貴ｏ

點知拍檔自爆, 我其實係蘇秦先生派泥幫你取秦國相位之人ｏ蘇先生話而家七國我两師兄弟玩晒, 你知點玩啦ｏ（可見心計, 智慧之高！）ｏ自己友做對頭人, 两人拉猫尾可也ｏ

張儀先生講咗下面一番, 令黄SIR印象難忘的話ｏ

[吾於蘇子術中而不自覺, 吾不如蘇子遠矣！]

（意思即係話: 我在蘇秦設計的局中都唔知, 仲以為自己好命, 我真的不及我的同學蘇秦先生了ｏ）

現今世界, 在人術中而不自覺者, 大有人在ｏ

君不見, 近日台灣民進黨大鬧两岸會談, 其實就是不明其中之術也ｏ

真蠢！