一生真偽有誰知 4

可能到今時今日, 除了台灣民進黨人之外的海內外华人,都冇乜人信水扁哥的鬼話連篇！

但以黃SIR一貫習慣之逆向思維法, 會唔會水扁而家講緊………句句屬實呢！只是唔信佢D人蠢吧了, 正所謂: 眾人皆醉……..佢獨醒也！

譬如佢話: 司法已死！呢句話, 佢就講得一D都冇錯嘞！全中！司法已經俾水扁哥玩死嘞！中國幾千年才出了一個民選總統, 由咁多才俊之士想出來的選舉法, 居然選了一個騙子！仲可以俾佢作虛弄假, 搞到連選連任！咁嘅法律仲唔抵死！最反智的是, 水扁哥本身就是律師一名, 所以玩起來至會咁鬼出神入化也！

水扁哥仲哀民主倒退, 呢句黃SIR又係覺得佢冇講錯！如果民主是前進, 又點會民 （進） 黨選唔倒呢！而倒退了, 所以至選倒國民黨也！不進則退！十分正確！

水扁哥話: 受到政治迫害ｏ 政治又係一件虛蕪飄渺之極的事！迫害就大家有目共睹啦！又上手撩, 又通櫃！又坐監, 又冇嘢食, 仲唔係迫害？你估係禮遇乎？

成王敗寇乃中國人一貫看法！而家水扁哥落難, 你班友就未審先判, 係唔係有D過份呢？

民主就係維護弱者的發言權！你地可以唔信水扁哥點講！但你地係唔可以唔俾佢講嘅！明未？

佢講……..你地可以笑！嘻嘻！