生有可戀

年青男教師為情跳樓自殺, 自然在他心目中., 失去了這位小姐的愛, 在塵世中已生無可戀, 可能佢想效發, 什麽大情聖, 一死以搏万古名！

如果佢明白到, 如此這般死鬼咗, 只會被人耻笑佢儍！別人只會同情佢D家人,. 有個咁鬼儍嘅兒子或兄弟！佢一定唔會咁鬼易, 咁就走去一死了之也！

曾經有個十六 七歲的小妹妹, 跳樓自殺ｏ誰知佢個男友（？）金毛強, 在佢條屍旁,拖住另一條女……金毛珍！話: 正死蠢！咁都死得一餐！真係唔死, 都冇鬼用啦！你話呢位小妹妹, 死得幾咁唔值得呢！

黄SIR經常見有D人, 玩得两玩, 玩到冇嘢好玩！就玩唔同人玩！誰知佢唔玩,旁人好似死咗隻蟻一樣！一D感覺都冇！你話死唔死！

有D再蠢D嘅, 去自殘, 去死, 你話係咪好無謂呢？為佐一D路人甲乙丙去嬲,去死, 去掹刀拮大脾, 請問有冇價值呢？吓？

有D人諗嘢, 太過自我中心, 以為佢唔同人玩, 人地就會好痛苦！食唔落飯！飲唔落水！日日以淚洗面！希望佢有朝一日佢返來玩！返來玩！誰知成班友冇佢係度玩嘢, 仲開心也！

呢個世界, 信黄SIR啦！冇咗边個, 個地球一樣係咁轉溉, 太陽明天又一樣, 再升起來溉！

當你生無可戀之時, 想想塵世中, 尚有好多生有可戀之人和事, 咁你就冇咁易, 就會走去一死了之啦！