得個等

　　美國最新既數字又係差過人，變成閒話家常，最近最新討論既係美國３大汽車生產商福特佳士拿同通用出現破產問題。

　　根據＜＜明報＞＞既資料，通用係內地售銷數係東風既３倍，較弱既佳士拿都多出東風１０％，但明顯地內地既銷售大減，加上美國內部既問題，雖說中國發現空間大，不過難免見到短期(指一至三年）既飽和。

　　美國三大汽車生產公司，其實主要多是供過於求，大部份既汽車生產了卻冇人買，睇新聞才知道有買一架車加１美金有多架黎賤價速銷，在我看來呢種跳樓式售銷最終都得不到效果，唯一辦法就係市場唔會再有車賣（講笑？），全美最大既通用汽車表示若果華府再唔救，到１月就破產。

　　從美國政府黎睇，相信保爾森已經意識到一個最根本既問題，就係

　　＂佢應該拯救邊樣？＂　

　　＂我應該救乜？＂

　　＂究竟下一步會有咩問題發生？＂

　　＂美國可唔可以再印多Ｄ銀紙？＂

　　＂我係街度，會唔會俾人扑濕個頭。。＂

　　當然，若果美國救汽車業，絕對能夠為美國解決一刻既困難，什至係全球，但最終佢唔救，亦都係正常，因為往後可能仲有更多既問題，但從汽車業問題，破產會令美國很多人失業就一定，不過零部件問題就引發全球既問題，生產這些零部件既公司會點？借錢給這些公司既銀行會點？，最後又將問題轉到去銀行體系身上，聽起來都恐怖，最終還是一個黑洞。

　　但我相信最終美國會拯救其國一個重大既工業項目。

　　最近一直都冇買野，只有空看股市，得出的結論都係等等等，因為從現在黎睇根本冇咩好做，匯豐跌跌下又見７字，所以不用太心急，因為現階段仍然係保本為上。　最少要到明年中先黎定出方向，大家一定要等，因為現時仍然係好危險，在我看來中國既內銀股係最好既選擇，不過都有隱憂的一面。