放下自在

禪宗有個小故事, 講有個禪師帶住個和尚仔渡過一條小河, 忽然有個靚女要求禪師孭佢過去（當然係好淺水至得啦！）禪師見係靚女, 身材36 24 26, 鬼火咁靚, 自是義不容辭！

和尚仔見禪師咁鬼死色迷迷, 一路上深深𣎴忿！但又唔敢出声問（因禪宗慣例, 一問就打！所謂當頭捧喝也！）

最後行了成十數里, 和尚仔終於頂唔順！問: 老師！點觧你可以孭個靚女？咁死親密？

禪師即係禪師, 一句話就化解了！

佢話: 渡完河,  我已經放下咗啦！

乜你行咗咁耐, 仲未放得低呢？

黃SIR經常見身边的朋友, 常常玩完了（例如出完SHOW）仲談論身边人和事的總總不是！有時三五七年的舊事, 依然忿忿不平！弄到生活十分𣎴快樂！

其實如果明白了以上放下就可以自在的道理！

事事放下！

甩曲可以放下！

跳舞踩親人隻腳！可以放下！

賭馬買左輸果隻！可以放下！

被人呃咗！可以放下！

買咗雷曼債券！可以放下！

能夠事事放下, 自然煩惱都少咗好多矣！

但係唔係人人都得呢？

嘻嘻！黃SIR有時都唔係好得！