萬物靜觀皆自得
2008/11/24 22:08:34
網誌分類:
時事
冷眼看世界, 每有所悟, 便可欣然忘食矣!
做人如果無D寄托, 真係好容易幽鬱寂寞o所以能夠以平常心去參加種種活動,以靜觀欣賞的態度去看世情, 咁樣才可以保持開朗的心情, 天天愉快地生活也!
例如在電視上, 看到水扁哥的女兒陳幸妤小姐, 這位小姐原來是一位牙医, 唔怪得佢咁鬼牙尖咀利啦!
這位小姐唔知真唔知定假唔知, 由始至終, 佢都深信自已一家被人政治迫害!家人被誣陷!真係活係自己的夢中!何其可憐復可笑也!
黃SIR睇過一套由理察基爾演的戲, 戲名叫似是故人來, 內容就是女主角明知理察基爾是假扮的丈夫, 但此女子, 因從前丈夫對佢又唔温柔, 又唔靚仔,甚至又虐待佢, 佢情願當理察基爾係真嘅!享受了一段温馨浪漫的愛情生活!仲生咗一個可愛的女添!
人世間, 好多時都係假作真時, 真作假!
真真假假, 假假真真, 虛情假意, 總好過冇情冇意也!
陳小姐活在自已的幻想中, 相信一D佢自已以為係真的事!
但殘酷的現實, 正一步一步向陳家無情地揭發!
此事真係好睇過電視劇好多也!
扁的一家及其盲從者,與文化大革命時的擁毛派,凡是派,相似否?