龍門陣拾載情演唱會

這個龍門陣以前在統一中心有個局, 去幫襯晚飯有粵曲聽, 又有負責人揾人上台唱ｏ每人好似七八文一分鐘, 唱完有番餅帶, 都好多人玩過, 黄SIR自然也去聽過ｏ頭架晃哥（馮健晃）自己也是唱得之人！

當晚黃SIR發覺曲藝也可以分幾個層次ｏ

唱到唔甩唔撞, 有声夠氣, 順利演出一曲已算是合格了ｏ當晚很多業餘的唱口都可以做得到ｏ

玩得有水準Ｄ, 就識用丹田氣, 出靚声, 音準, 高低子, 全部冇問題ｏ這又高了一個層次, 當晚的男平劉宝榮先生, 黃德勝先生都可以做到！已是很悅耳了！

但再進一步, 是有聲, 有色, 有藝ｏ

當晚的鄧有銀小姐和謝國璋先生就可以做到了！

鄧小姐唱一曲夢會太湖, 有晒做手走位！極視聽之娛！可算專業演出了！

謝國璋一出声, 有林家声的影子, 令人聽得舒服！算是又一層次了！

這個龍門陣把一眾喜歡唱粵曲的人放在一處, 當晚就令黃SIR有此發現！