發口的問題
2008/12/11 21:31:48
網誌分類:
生活
有網友請教黄SIR粵曲發口問題o黄SIR最鍾意人請教, 此乃職業病o黃SIR做了28年人之患, 一聽見有人請教就精神一振o而黃SIR最憎就係有D人懶熟, 句句頂到冚!講極都晤明!又蠢又多聲氣!呢D人識小两個就當一雙!最近網上剛剛打走咗一個!
至於發口問題, 粵曲粵劇全靠唱者用唱詞交代劇情, 如果唱曲, 人地都聽唔倒你唱乜, 咁你唱到識飛都冇用啦!
但有時人有好多懶音, 如: 痕身銀行, 含情密密, 諸如此類, 都係發口唔好的表現o
最近黄SIR正在學緊岳飛少年傲遊一曲o梁兆明先生是近年黄SIR肯買飛捧場的文武生之一!但此曲有數字他的發口可以拿出來給大家研究!
其中小曲楊翠喜一句……….有(瀑)瀉九天.... 佢唱咗有(暴)瀉九天!
應該係 瀑布, (僕)布 至啱吧?
到了反線中板……..穿揚能百步…… 佢又唱咗穿揚能(霸)步!
到了山水吟………層峰疊巒……. 佢又唱咗(塵封)疊巒!
呢D咪發口問題囉!明未?
當然梁兆明大部份發口都很好, 又年青, 文戲武戲都掂, 前途無限!黃SIR並非有意踩佢!只不過剛剛見有此例子而己!
如果黃SIR可以唱到佢咁, 都好專業, 可以收介了!
回應
(0)
我要發表