睡姿

Fannyyan,

啡色嗰個睡姿有D 似米米喎 ! 係咪肥嘅貓都鍾意咁瞓 ? 白色嘅通常係斯文 D ?

Caroline,

阿B 食唔到營養膏 ? 試吓抹係佢咀邊, 等佢自已舐, 耐心 D 餵佢食嘢, 盡量令佢食多D, 佢身體裡面器官係需要營養去運作, 唔夠嘢食落肚唔得架!!

天氣涼咗, 阿B啱啱好返 D, 千萬唔好比佢冷親, 多點留意她! 聖誕將至, 留意一下 24小時獸醫服務, 以備不時之需 ! 小心 D 呀 !!!  祝阿 B 早 D 好番 !!

sinsinho,

有呀, 亞 B 有定時食藥架, 不過胃口都係麻麻地, 食兩口就走咗去, 依家都有再比營養丸佢食, 因佢食唔到膏...

而芝麻糊就因為亞 B 食唔晒 D 糧而益咗佢, 所以佢食得比以前仲多咗, 好似仲越來越肥添呀, 就黎抱唔起...

多謝你呀, 亞 B 依家食咗一個星期藥, 有番精神, 仲識入房搗蛋添, 醫生比咗三個星期既藥, 食完一定會帶佢去覆診架 !

Caroline,

阿B點呀 ? 有冇食多咗嘢? 記得定時比藥佢食同覆診, 芝麻糊有冇蝦佢 ? 祝早日康復, 好過以前!

我家喵喵們最愛扮"肥雞",

特別是天氣凍o既時候, 手仔都是繞埋的~ ^^

最鐘意米米嘅睡姿，好多款式﹗

CatCat,,我覺得慧玲姐姐的方法都唔錯,可睹物思貓,又可陪伴左右,而撒在睇到日落的樹底下,可令牠們再在這世界繼續生活.(我始終未有這失去的經驗,都比唔到D什麼意見你),好希望你會得到屋企人口既支持,比你帶Ball Ball返家.

關小姐,

阿寶會否是有心理病所以成日咬傷自己條尾?有時新聞都間中有報導d鸚鵡唔開心就不斷啄甩自己個身d毛,香港都有報導d細路壓力大不斷拔眉毛..... 阿寶白雪雪咁可愛,知道佢咬傷自己真的很心痛

關小姐&Yuyu,

多謝您哋意見, 我會同屋企人商量, 不過多數都會係公園或者樓下d樹等...咁樣佢可以成日返嚟 (佢可能已經做咗隻貓/人)

hi,catcat: 我唔系貓貓媽咪, 但我系狗仔媽媽, 我今年前年30晚隻仔仔都突然過身, 我都系放在屋企, 我聽嗰個幫我仔仔做事嘅人講, 放多2年D灰都會在空氣中漏走, 不過如果屋企人唔開心就唔好啦! 你自己有冇信教, 如果有或者去請教吓人, 你嘅愛貓都會知你錫佢嘅!!

joe,

我將骨灰分出一小部，包起縫落公仔裡面，讓牠們在我左右的感覺。另一大部份，就撒在一棵睇到日落的樹底。

佢地好可愛, 又其是系米米嘅大字型, 好得意同我覺得佢好靓.....!!

Joe,

佢都有差唔多18磅架, 我見其實係佢個頭影得佢肥, 因為佢個頭比較細, 所以望落去唔啱比例, 我都仲摸到佢尾龍骨/肋骨, 如果佢個頭正常反望落去都冇咁誇張, 我睇書都話佢呢d品種一般都有8-9kg, 佢雖然係max, 但都應該差唔遠囉~

有d人話太早(6個月做咗, 1年先做個頭就會正常)同佢絕育個頭會細d, 唔知係咪真係有關係~

我想問吓各位, Ball Ball已經走咗年多, 我都唔諗住同佢續位, 我好冇將佢d灰撤去屋企附近公園呀? 唔可以撤落海, 因為貓唔識游水(d人咁講), 屋企唔鍾意擺呢d嘢,各位比d意見我吖~

Cat Cat,蕃薯仔其實有幾KG呀,睇相就肥口左D,獸醫話佢超重咩,keep住依家口甘都OK,慢慢減急口吾口黎,佢和米米口甘都係品種問題呢,如sinsinho 話齋,肥過頭會對佢身體機能口吾好,唯有定到獸醫度檢查,注意多點口巴.

Caroline,亞 B好快會"變靚D"口架 啦(到時做代言人都得呀),哈!芝麻糊著"禮服"樣,果然又嬴又醒.

Fannyyan,佢口地好肥好大隻(好得意),介紹口下,得相口既?

caroline,

哈，兩隻都係肥豬仔呀。

sinsinho你好,

係呀, 我家亞 B 以前都幾好肉地架, 仲有個大肚腩添, 不過依家肚腩唔見咗, 得番層皮响度 "fit fit" 吓咋

呢張係細個嘅時候影~~

cat cat,

唉 ! 如果妳真係有辨法可以幫到佢嘅, 就唔會攪成 "咁" 啦 ! 寄望吓其他貓友有冇好提議重好過 !!!!

Caroline,

芝麻糊好似我家寶寶, 是一個"禮服貓", 好醒呀 ! 阿B原來之前咁好"肉地", 而家最緊要佢肯食, 身體要緊呀 !!!妳諗吓佢第日好番 , 肥番一定重靚過以前 !就開心都來不及呢 !

beebeecat,

臭B 點解可以 瞓到"S" 形 咁厲害嘅? 如何係我, 腰骨都扭斷!!

Joe,

貓豬手長腳長, 成個運動家咁款 , 瞓覺個姿勢, 有D似人哋跳水時摺埋個身咁樣, 唔通佢發夢喺度跳水?

Sinsinho,

唔緊要~可能學你話齋, 飲水都會肥又或者品種問題, 所以應該唔關D糧事, 因為全屋只有佢一隻咁大隻, 其他4隻貓完全正常又FIT, 醫生都話FIT, 唉~冇辦法, 唯有盡量幫佢唔好再肥落去~

sinsinho你好,

我家亞 B 依家都 ok食野啦, 但都仲係 "骨慘慘 " 咁, 乾糧佢就唔係咁食, 唯有日日開罐頭...

而我家還有一位貓貓成員, 她叫芝麻糊, 她還是手板般大時被我在街邊發現的, 現在已經 9 歲了....大家還記得我那張可憐的梳化嗎 ?

還有我家亞 B "未瘦" 之前的睡姿 :

豹紋和黑白前日午睡的樣子

cat cat,

吓 ! 原來已經食緊減肥糧都搞成咁 ?!! 好老實講, 同人一樣, 太肥係會對身體機能有影響, 例如關節, 心臟負苛, 同埋腫瘤 (唔好意思, 我唔係想刻意講呢D 令妳唔開心嘅嘢), 因為如果太肥, 好多時唔知係脂肪定係其他嘢, 我哋唔識摸, 佢哋又唔識講, 可能要到獸醫度檢查先至知, 到我哋發現病徵出現時可能會太遲.

我家的貓都是放長糧, 但最重嗰個都係5KG, 獸醫都話佢肥, 可能係品種問題, 牠們都是流浪/街貓, 體質較差, 骨架比較小, 蕃薯仔可能骨架比較大, 相對比較重, 不過點都好, 好似有 D 人話齋, "飲水都會肥", 唯有多D留意佢, 密D同佢檢查, 其他人力範圍之外嘅嘢就冇辦法架啦 !  "我們不是神" 希望大家都身體健康.

關小姐,

我就是太愛錫臭BEE,上兩星期夜晚凍凍哋幫臭BEE蓋被時...被臭BEE咬咗一啖.....在我隻玉手留下我們[愛的印記]...

霞霞，

歡迎你常來分享yoyo的相和故事呢。

beebeecatcat,

好鍾意臭b的樣子，只要是有人愛鍚的貓，才會這樣大模廝樣，露出這副「咩呀」的表情。

嘩!慧玲姐姐,小襪的睡姿果然同人咁樣,好搞笑.我貓豬都似米米一樣鍾意大字型攤開目訓,有時又會捲成一餅,佢好似蕃薯仔咁在目訓未清醒時是可以任人"舞",我會剪佢手腳甲,動作都係要快,醒口左就會咬人,貓豬同蕃薯仔咁似,有得揮,哈哈!睇紅豆個樣好lum呀﹗其它貓頭"痴"埋一齊,好friend呢.

~Cat Cat﹐ Miu Miu晒腩樣好有趣,唔.....佢好似係到散熱咁.

~beebeecatcat,臭bee的睡姿可以頭身紐轉咁勁口既.

~霞霞,Yoyo公主,肥dodo圓lukluk,真的好可愛.

~Caroline,亞 B個樣和我貓豬有幾分似,貓豬是我家獨子,亞 B呢﹖

拍口左貓豬個睡姿樣and近照和大家反享

Cat Cat,

臭bee還是幼貓時成日放屁 .....咪叫佢做臭bee囉

佢個笑樣好少機會架影到㗎

霞霞,

你家公主Yoyo嘅睡姿好可愛, 令人有衝動想錫佢~ 佢會唔會流口水架?

sinsinho,

Natual Balance/Royal Canin/Solic Gold/Hill's Natual呢d全部都係d減肥/天然粮, 一星期食一次罐頭, 我都唔知點解都可以食到佢成隻海狗咁, 仲話唔會食肥貓, 呃貓嘅~ 有咩辨法可以瘦d!?

Cat cat,

唔係掛 ! 佢係蕃薯仔?   Size同海盜衫幅相好似差好遠播! 有冇搞錯到 ? 如果唔係妳註明, 我會以為貼錯相囉 !! 我多口問一句, 到底你比甚麼牌子嘅貓糧佢食 ? 等我參考一下....

beebeecatcat,

點解要叫臭bee???佢個樣好似識笑咁~

阿b~你一定要健康快樂~

祝大家&貓貓 Merry Christmas!!

Caroline,

阿 B個樣好乖, 重識得 '丁' 字腳, 好有儀態喎 ! 家中還有其他成員嗎 ? 如果牠比之前瘦了很多, 要牠爭取多D 營養, 除了食物, 試吓加少少營養膏, 抵抗力好就冇咁易病.

 阿B, 快D 好番同媽媽過聖誕, 就係最好嘅聖誕禮物啦 !!!

呵呵呵~~~我隻貓就似關姐姐的小襪 + 米米混合的睡姿，如果佢可以好似紅豆肯俾人抱住瞓覺，我相信佢嘅地位一定會超越我~~~~(相片需要後補~~嗚~~嗚~~)

臭bee過去與現在的睡姿....

小襪睡姿好似蕃薯仔, 蕃薯仔訓咗覺可以任人魚肉, 你可以襯佢未清醒嗰攪佢, 但動作要快, 如果唔係就.....到佢醒咗就會咬人, 不過佢訓覺嗰陣真係好得意, 完全睇唔出佢會咬人~

點解阿寶會咁!??會唔會係條尾有D佢唔舒服嘅嘢, 如皮膚問題~

Miu Miu最鍾意晒肚腩~

Caroline,

你張相好似蕃薯仔呀, 一樣都咁靚~(未肥嘅蕃薯仔)

登登登 ! 我家亞 B說 : 大家好 !

sinsinho,

我已成日阻止佢追自己條尾，見佢好番，唔想佢成日俾個罩罩住。但佢仍然當條尾係仇人。我養了咁耐貓，真係未遇過這種情況。佢要咬到自己損為止。現在只好戴罩啦。都不知怎算?

關小姐,

阿寶又咬傷條尾, 重流血添呀 ! 點解咁嘅 ?真係要瞭解吓好喎, 成日有傷口始終唔係咁好, 驚有細菌 !

小襪同米米嘅睡姿超搞笑, 希望牠們跟著妳可以健康快樂地生活, 係呢, 唔見骰仔嘅, 米米重有冇 '兇' 人同 '蝦' 人呀!