棋局論英雄 之 剝光豬

捉象棋最過癮的地方, 不光是嬴棋, 有時仲要嬴牙較！黃SIR同人捉棋經常都嬴！冇晒挑戰性！但遇着一D不識好歹！不知黄SIR利害之輩！口多多, 牙擦擦, 黄SIR就會設法剝佢光豬ｏ

剝光豬就係唔去將死佢, 偏偏一隻一隻棋去食晒佢！去折磨佢！等佢求生不得！但求死又不能！難度真係好鬼高！如果佢决心輸棋唔救, 你想食佢隻車, 真係好鬼難也！

俗語有云: 乜你想食埋人隻車咩！就係咁嘅意思嘞！

剝人光豬是極大的侮辱, 等閒不可輕試！尤其是女性棋友, 更萬萬不可！容乜易剝得佢兩剝, 人地叫起非禮時！都唔知點收科也！

捉棋捉到俾人剝光豬, 都算屎棋得緊要矣！

黃SIR讀中學時, 有個棋癡, 俾人剝光豬ｏ嬲到走去買支漒水淋對手！（好似最近旺角高空擲漒水一樣咁戇居！）搞到一鑊泡！

呢個就係亂咁剝人光豬的結果了！

近年黃SIR好少捉棋, 原因是成鬼日都嬴, 冇癮！想剝人光豬又唔敢！唯有玩番D有可能輸嘅馬仔囉！唉！

剝光豬？唯有等自已冲涼至做啦！