快樂不快樂 之 天下無敵

記得當年黃SIR初初學捉棋,細細個（八九歲啦！） 好快就殺低哂D大人！因為想嬴, 日日死刨梅花譜, 橘中秘！好快就成為小棋王ｏ人人話我叻！結果是廢寢忘餐去練習！想天下無敵！

希望天下無敵曾經是黃SIR想進步的動力！黄SIR以為天下無敵就最快樂矣！

到黄SIR學拳時, 見D師兄被人打到甩皮甩骨, 發覺原來天下無敵都唔係咁易也！後來學吓學吓, 發覺天下間, 一山還有一山高, 冇咁易天下無敵！

近年退了休, 去學唱粵曲, 玩吓玩吓, 又想天下無敵！因為發覺有D友, 連工尺都未識, 又自稱唱家！居然可以開個人演唱會, 又話自已天下無敵！

一D人話同賢仔食過飯！唱得一两咀, D人就當佢係宝！D旦居然會為佢爭風呷醋！唉！又話天下無敵！

有D所謂老師, 自已都唱到難聽到死！又話自已天下無敵！

黄SIR自覺, 咁容乜易, 黄SIR都可以天下無敵嫁？（黄SIR自覺真係醒佢地好多嫁！）

學舞仲過癮, 有D舞蹈老師, 識得唱吓歌, 數吓拍子, 又話自己天下無敵？成日發夢要收人幾多幾多百一粒鐘ｏ一樣呃倒一班儍瓜學生！任佢媽！任佢點！真係激死人冇命賠也！天下無敵會唔駛錢教人？唔好玩啦！

整整吓, 黄SIR都冇咁熱衷天下無敵矣！唱歌大可一班朋友歡樂一番便算！跳舞亦只求跳倒, 出一身汗, 當運動好了！

至於拳腳功夫, 黄SIR只用來吹吓水！白頭宮女話吓當年算了！

天下無敵？唉！算把啦！

總之做人快快樂樂咪算囉！