快樂不快樂 之 天下無敵
2008/12/30 18:00:30
網誌分類:
生活
記得當年黃SIR初初學捉棋,細細個(八九歲啦!) 好快就殺低哂D大人!因為想嬴, 日日死刨梅花譜, 橘中秘!好快就成為小棋王o人人話我叻!結果是廢寢忘餐去練習!想天下無敵!
希望天下無敵曾經是黃SIR想進步的動力!黄SIR以為天下無敵就最快樂矣!
到黄SIR學拳時, 見D師兄被人打到甩皮甩骨, 發覺原來天下無敵都唔係咁易也!後來學吓學吓, 發覺天下間, 一山還有一山高, 冇咁易天下無敵!
近年退了休, 去學唱粵曲, 玩吓玩吓, 又想天下無敵!因為發覺有D友, 連工尺都未識, 又自稱唱家!居然可以開個人演唱會, 又話自已天下無敵!
一D人話同賢仔食過飯!唱得一两咀, D人就當佢係宝!D旦居然會為佢爭風呷醋!唉!又話天下無敵!
有D所謂老師, 自已都唱到難聽到死!又話自已天下無敵!
黄SIR自覺, 咁容乜易, 黄SIR都可以天下無敵嫁?(黄SIR自覺真係醒佢地好多嫁!)
學舞仲過癮, 有D舞蹈老師, 識得唱吓歌, 數吓拍子, 又話自己天下無敵?成日發夢要收人幾多幾多百一粒鐘o一樣呃倒一班儍瓜學生!任佢媽!任佢點!真係激死人冇命賠也!天下無敵會唔駛錢教人?唔好玩啦!
整整吓, 黄SIR都冇咁熱衷天下無敵矣!唱歌大可一班朋友歡樂一番便算!跳舞亦只求跳倒, 出一身汗, 當運動好了!
至於拳腳功夫, 黄SIR只用來吹吓水!白頭宮女話吓當年算了!
天下無敵?唉!算把啦!
總之做人快快樂樂咪算囉!
回應
(0)
我要發表