預祝大家新年快樂

　　聽日係０８年最後一日既交易日，回顧一整年，各地指數都係不停向下既,幅圖真係經典，０９年一樣唔多好，不過既然恆生指數跌到落已經１４ＸＸＸ點，以現時經濟及估計未來既狀況，當然係儲定Ｄ錢好過入時，但若然再次接近１００００點附近什至１０月個陣講跌到仆晒落到８０００或６０００點，咁我諗一眾儲定錢既香港股民都唔需要諗直接買好過啦，當然到唔到係另外一回事。

　　暫時我看時間做人，當恆指大部份股票公佈業績既時候，估計會開始選擇番中國既大龍頭，從現時多隻黎睇，香港既地產股係仍然有長遠既價值，內地既內房實在太多，要是盲摸摸搵資料搵隻好，不如買番熟悉既香港地產，至於匯豐銀行，最近阿媽買左少少，好多人都對匯豐有品牌效應，不過我諗匯豐唔係太岩我或者我係愛得政治色彩較深既內銀股。

　　至於中移動，似乎佢未受中國重組有大既影響，都係長線既首選，買中國既股票一定要買夠巨，一係買政治味道濃厚，始終係中國，要重組同執行一樣係偏向慢而穩陣。一行得快既企業好多都係碌番落去。

HAPPY NEW YEAR

俾大家一個見底既指標，若然連我都搵到工，咁香港就係見底之時啦。