李超人減持中行!?

　　未知係咪臨近新年，李超人要派利是，美銀又要做好盤數，先後沽建行同中行，美銀減持意料中事，但李超人減持實在有Ｄ驚，不過隨後發表聲明話剩低唔會再沽住，同時ＲＢＳ都係有意減持中行，睇黎中行俾人減持係遲早既事，另一國有銀行工行，顯然係外資持有既比重就唔係好大。

　　但老實講，外資走人係遲早既事，大家都唔使咁擔心，不過可以以低價Ｄ既機會用閒錢沾小小都唔錯，當然唔係依家啦，有咁多隱憂。

　　我暫時都係建議觀望，依番自己計劃到年中才決定，見番晒佢業績先再決定吧。（其實忍手都幾辛苦，所以我都隨時都可能身痕但係現市況博反彈又有Ｄ顧慮，但見３大國有銀行大跌又想添Ｄ），對中行建行工行既信任不變，仍然係長線首選。

　　國泰再發盈警，但我認為國泰再低落去都係一個機會，０７，０８年油價高企，到０９年，油價差唔多跌破晒成本價，國泰股價插到飛起，對上低位係６。９元，但以國泰規模同盈利能力，係番上次低位可以沾小小，現在最大既問題係佢今年盈警，但係下年，再下年？我相信未必會咁慘淡，受過傷先知道要堅強丫嘛。