快活不知時日過
2009/01/16 01:47:48
網誌分類:
生活
做人能不以物喜, 不以已悲, 能做到平常心渡日, 快活不知時日過, 確不容易!
日日翻開報紙, 負面消息不絕, 且看08大事回顧, 眼見一些雷曼苦主訴說一生積蓄被人誤導, 一鋪清袋!真不知人間何世也!(好彩平日银行成日約見黄SIR, 黄SIR明知佢地SELL嘢,倒牌不回應, 避過了一劫也!)
最近黄SIR學咗一首粵曲, 問君能有幾多愁, 講李後主亡國後, 寫成絕句, 恰似一江春水向東流!李後主寄情詞作, 渡過了餘生!(做到佢咁, 咪又係寫吓嘢, 吹吓水渡日辰!同黄SIR日日寫BLOG有乜分別呢?)
亞視正在播的韓國歷史劇, 王與我, 正在播緊王子即位後, 力抗太王太后, 三司, 朝廷, 內事府的壓力, 王子追究前朝寃案!但事事身不由己!表現作一國之君的不容易之處!
當中有描述他父親懦弱, 連她親生母親也被人誣陷寃死!廢后被人一步一步狂屈!睇到黄SIR義憤填膺!令人覺得人事利害關頭, 各人各有自私盤算的可怕!
到王子想有所作為, 力抗眾反對力量時, 卻被韓國歷史誣為朝鮮一代的暴君!反影出人世間所謂是非黑白, 什麼歷史公論的荒謬!
此劇講盡了人世間是是非非, 講盡了一些所謂正人君子, 忠心義士可惡之處!的確令黄SIR開了眼界!如果你將此劇人物的描述, 比諸日常所見之人的種種言行, 當有一番新的感受也!
睇吓電視, 唱吓歌, 又差不多到鼠年年尾矣!
黄SIR真係有快活不知時日過之感也!
嬴馬不喜
ha ha
請個細佬飲茶慶祝吓都得!
輸股不悲
堅!
冇買雷曼就更好彩矣!
黃Sir生活多姿多采噃!![{#icon83} {#icon83}](http://img2.stheadline.com/headline/forum/icon_face/icon_face84.gif)
不以物喜, 不以已悲,对呀!我現在己做到嬴馬不喜,輸股不悲了.