被袋纏

2009/01/27 14:13:03 網誌分類: 未分類

27 Jan

肥米究竟遇甚麼令主人又笑到震的事?

話說年三十晚，主人在書房執拾搞到頭出煙之時，突然發現米米站在廳中央，動也不動，被點了穴似地。

${#IMG_4564曳1.jpg}$

原來牠在玩我扔出來的紙袋，玩到忘形，竟被紙袋卡住。

${#IMG_4565曳2.jpg}$

轉身，側身，反轉身，都係甩唔到身.....

${#IMG_4567曳3.jpg}$

聽見主人狂笑，米米激到擰轉身。

${#IMG_4572曳4.jpg}$

老婆小襪都笑埋一份。你睇佢上圍同下圍真係差好遠...

${#IMG_4574曳5.jpg}$

扁眼+屎面+飛機耳

${#IMG_4576曳6.jpg}$

玩了一輪，又是主人出手的時候啦。

${#IMG_4577曳7.jpg}$

之後佢係咁撥個紙袋，報仇。呢個故事教訓米米，唔好以為貓頭過到就安全呀，都要顧埋個貓躉......

${#IMG_4580曳8.jpg}$

回應 (16)

我要發表

2009/02/28 02:01:30 回覆

米米會唔會參加減肥營?

2009/02/03 14:31:06 回覆

Sinsinho,妳口個位貓友的貓貓得了腹膜炎,好慘呀,我都覺得好難過.我養貓經驗唔多,無嘜意見可以幫到手.其實只要佢開心的話,唔食藥就算啦,我貓豬都病過,睇佢做治療我都肉尺,食藥又辛苦,好彩個次醫好口左呢.做主人口既雖然唔捨得佢會離開自己,唯有盡力照顧佢到最後,與牠好好過渡剩下的日子呢﹗

2009/02/03 11:43:47 回覆

Caroline,

收到阿 b 的消息真開心, 全賴你用心照顧佢, 真係唔知點講, 總之就係開心啦 !

不過有另外一個貓友嘅貓貓得了腹膜炎, 主人驚佢唔捱得好耐, 佢肯食嘢, 但唔肯食藥, 之前好似食開類固醇, 佢話依家貓貓鍾意食幾多都由得佢食, 亦唔想再帶佢去睇其他醫生, 因為已經睇過兩個同埋做過檢查, 左照右照, 主人見佢做治療好心痛, 佢唔肯食藥都算數, 只想牠剩下的日子開心, 我好擔心, 亦好難過, 各位貓友, 有冇意見可以幫手?

2009/02/03 11:03:51 回覆

Caroline,

亞B能夠有好轉, 全賴你照顧週到, 不過以我認識嘅甲狀腺同心臟不穩定, 有時跟佢心情影響, 例如緊張等, 所以你最好多問其他診所或不同時斷就診, 都可能有唔同結果, 有D貓可能會對診所環境或抽血時有抗拒, 都可能產生以上情況, 所以未必要食有關藥物~~

順祝阿B早日康復!!

2009/02/03 10:31:45 回覆

Caroline,好開心知道亞 B依家食番乾糧,雖然仲要食藥和覆診,但係佢食口野就有抵抗力,可以和病魔打過都實嬴啦,而且佢又識得"還拖" 和芝麻糊玩,口甘精靈,哈哈﹗

2009/02/02 22:27:58 回覆

Hi Sinsinho,

啱啱過年前先和亞 B 覆過診, 再驗咗血, 個結果佢既甲狀腺 XX素又回升番, 醫生既解釋係, 甲狀腺 XX素响一日裡面會不停咁上上落落, 到抽血個陣係咪最高定最低大家都唔會知架, 但因今次個結果係高咗, 所以都需要繼續食甲狀腺既藥, 而亞 B另一個既問題係心臟跳得太快, 上次醫生就話係有可能會因甲狀腺既問題而影響到, 上次都有開到心臟藥比佢, 但今次覆診時亞 B 既心跳問題都仲未有好轉, 所以轉咗第二隻心臟藥比佢, 醫生話, 隔多一個月度仲有食住藥個陣要去照下個心臟(超聲波), 睇下食住甲狀腺藥既心臟到底係有無事喎 {#icon39}

依家亞 B 開始食番以前食開既乾糧, 雖然都未有以前咁多, 但佢都重番少少, 依家有 6磅啦 {#icon9} 佢昨日仲識得跳番上佢以前最愛既雪櫃頂玩自己條尾添呀 {#icon8}

仲有呀, 佢依家比芝麻糊 '蝦' 都識得 "還拖" 添呀 !! 哈哈 !! {#icon30}

2009/02/02 19:45:10 回覆

Caroline, 咁耐冇阿B 消息嘅? 食嘢係咪好 d 啦 ? 記得覆診! 俾個好消息大家分享吓好喎 !

2009/01/29 14:18:03 回覆

肥雞貓咪,

我裝牆, 所以跳唔倒上去, 但好多時佢哋瞓晒喺電機前面, 所以睇電視成日审比佢哋遮住~~ {#icon3}

幾時有肥雞相睇??

2009/01/29 12:50:21 回覆

關小姐, 不好意思, 想借這裡問個問題. {#icon8}

各貓友: 有個問題請教各位,有無方法令貓咪不喜歡跳上LCD電視頂?(我已貼了草皮咭咭, 但反而佢仲鍾意, 可能有大草原feel啩 !!), 有無方法可有效隱定電視, 以防止有次電視終會倒下?(電視一邊是窗, 背面是櫃) 特別家裡沒人的時候, 錢是小, 貓命是大呀... 非常多謝各位. {#icon0}

2009/01/29 01:29:32 回覆

慧玲:

妳說得對, 在這件事件上, 值得我們欣慰的是原來有不少人為了動物的生存權益, 竟願意各出奇謀, 甚至自發地冒險參與拯救行動, 希望透過互相體諒和包容, 有天 '傳統價值觀' 和 '動物的生存權益' 可以達致共存.

米米真係日日新鮮日日甘, 佢應該叫 '亞甘' 呀, 我的貓咪也試過把放在枱面紙袋的手挽拉下, 結果給紙袋套著, 只係突出四隻手腳, 又嚇到唔敢郁, 咪成個犯人咁囉, 笑爆嘴.

我有個較私隱嘅問題......有無貓友想知道到底米米嘅 '三圍' 數字係??? {#icon1} 佢算唔算有 '中央肥胖'問題呢, 哈哈? (專家說女人腰圍是32", 男人是36", 貓就...)

2009/01/28 23:50:19 回覆

{#icon26} 笑死o左...米米個樣好無奈~~

2009/01/28 21:16:53 回覆

多謝肥貓媽咪告訴我知西貢黑咪背後原來有這麼一個可悲的枝節,正如慧玲所說,動物生存權益起碼巳是一小步一小步的進步着,我們這些愛護動物的有心人要繼續努力,不要灰心呀!

關慧玲 2009/01/28 18:13:09 回覆

黑妹救不活是很遺憾，不過成件事見到各方都已很盡力，換了在以前，我不相信會出見這個場面，動物的生存權益，是一小步一小步的進步。至於傳統價值觀，真是要慢慢來。

2009/01/28 13:15:58 回覆

霞霞,

起初我也有這份感動, 如果 '黑妹'懂人心的話, 也跟我們般沒想過, 為了一隻邁險的小狗, 香港竟會有這麼多熱心人士, 大時大節, 想盡辦法, 甚至千里紹紹來拯救小生命, 本來牠也應無憾了...

但今天看報紙, 才知道原來熱心人都是外來人, 村內人不祗不救, 還一度謾罵, 甚至阻止消防員等行動, 曾有人士提議只是拆磚, 小生命便有機會 "重生" , 村民聽到竟激動得爆粗, 說會破壞風水, 他們認為只是一隻狗, 難道比得上村民的性命麼; 我認同傳統觀念應被尊重, 但是令人痛心的是, 我們懂得尊重'傳統', 他們卻沒半點懂得尊重其他生命, 那算是真正的善心麼???只顧牠們的 "傳統", 便扼殺了小生命生存的機會...我相信如果下次被困的是個外人或村民的孩子, 他們恐怕可能怕惹上官非或親情之念才 "拆祠堂"吧.......更多的中國人, 何時才懂得尊重和愛護其他生命呢???? {#icon34} {#icon24} {#icon29}