左麟右李與粵曲

初七晚犬女請黃SIR同老妻聽左麟右李演唱會ｏ近年黃SIR學人唱粵曲, 自命也是知音識律之人ｏ以往也聽過徐小鳳, 梅豔芳, 甚至草猛演唱會, 倒也冇刻意去比較此類流行曲的演唱會同近年黄SIR經常有欣賞同参與的粵曲演唱會有何不同！

但今次聽之前, 黄SIR曾被人問過, 唱粵曲同唱流行曲有何不同！

首先黄SIR發覺的是, 一首粵曲通常是交待一個劇情！而流行曲多是一個主題, 用旋律交待主題ｏ例如當晚一曲朋友, 在短短數分鐘, 只了交待朋友两字吧了！但粵曲中講及朋友, 如一曲流水高山之鍾子期與伯牙, 成個故仔講點識, 點知音, 點夢中相見, 惺惺相惜！冇番廿零三十分鐘都交待唔倒也！

而流行曲重旋律, 內容反來覆去, 唔駛驚聽者唔明ｏ例如: 愛情陷阱, 這陷阱….. 這陷阱….. 這陷阱…..偏我遇上！粵曲好似冇甘直接同簡單, 所以年輕一代冇咁好心機去聽！

而流行曲的節拍, 很易被聽者認同ｏ但見現塲每人揸两支砰砰捧, 觀眾用砰砰捧打着拍子, 非常投入, 氣氛熟烈 ｏ幾見聽粵曲, 有觀眾咁投入也, 就算你睇雛鳳唱到香夭, 你都唔會跟住唱, 又唔會跟住拍住掌, 俾亞刨同亞嗲唱啦！

至於唱歌發口呀, 音準呀, 音樂呀, 似乎流行曲同粵曲都冇乜分別噃！正如你去聽胡美儀唱小調, 果D其實就係粵曲D小曲也！

正如黄SIR聽倒D旦唱: 荷花香……新月上….荷花愛着素衣裳！也很很自然扭身扭勢, 同聽流行曲一樣ｏ

而聽流行曲: 當年相戀意中人…….大家性情近……., 咁同粵曲又冇乜分別噃！係咪？