賭馬必中術的玩法

聰明的網友, 相信已經明白了黃SIR的賭馬必中術是全部買晒！因為香港賽馬最多就十四隻, 連嬴位得九十一瓣, 如果果塲派彩多過910元已經嬴錢ｏ當然很多朋友可舉好多例子令黄SIR輸錢！但黄SIR冇叫你揾D明朗塲次全餐嘛ｏ

例如剛剛星期日頭三塲, 第一塲派2280, 第二塲派746, 第三塲派2206, 不要忘記第一塲得十二隻馬咋！仲𣎴要忘記根本唔需要全部全餐, 用D十倍以下D馬去全餐, 已可收齊三塲連嬴錢了ｏ就算你蠢到冇能力分倒十倍以下D馬係機會大D, 你都嬴足两塲啦！

至於買位置連嬴, 中足三條ｏ第一塲加埋收914, 第2 塲加埋收1469, 第3塲加埋收2514ｏ係咪塲塲嬴錢呀？

至於三重彩, 單T, 一樣嬴！你自己去計吓啦！係咪好神奇呀？

有D包頂頸, 又唔聽教D朋友, 自然很易揾倒D例子令黄SIR輸錢ｏ但你都要承認呢個方法係必中啦！而且嬴咗三塲ｏ黄SIR都欣賞賽馬啦！仲駛塲塲同你賭咩！

至於必嬴, 边有咁易吖！係就冇窮人啦！况且黄SIR係有腦之人ｏ第四塲隻1号嬴硬ｏ梗唔買全餐啦！識避開至得嫁！

賭馬, 十賭十騙, 唔係運動！更不可要求公道！幕後人, 騎練人人都想揾人笨！又點會唔爆冷吖！所以D人成日揀來揀去就係揀唔中！（你自已諗吓係咪成鬼日捉泥捉去就欠一隻至收錢！黄SIR係馬塲見絕大部份人都是如此！）

老千最怕戇居佬！你完全唔揀！佢一爆到七彩！你就收錢！呢D就係黄SIR賭馬的樂趣了！嘻嘻！

至於開正路馬！派得少, 咪當抽水囉！