重臨晉成街
2009/02/21 01:55:03
網誌分類:
生活
最近剛到過西區, 順路探訪黃SIR舊居晉成街, 原來原址已建成石塘咀市政大樓!全條街变了一座大樓, 大家可想象晉成街有幾大!
晉成街附近的山道仍在, 一樣咁斜!屈地街依然有電車總站!黄SIR依然見到有鮑思高青少年中心的廣告, 這所輔於聖類斯的中心, 是當年同街小朋友上主日學的地方, 聖類斯當年有奶粉派!有芝士派!黄SIR細時也食過此類食物!
沿電車路行, 經過水街, 正街, 東邊街, 黄SIR站在東邊街上望, 真奇怪當年中午怎可以由半山(巴丙頓道, 培英!)走到大道西去食午飯!飯後又跑上半山上課, 真好精力也!當年的德記义燒飯真係好鬼正也!只賣五毫子咋!
近晉成街之西環大樓仍在, 但太平戲院已成了博物館展品了!可能好少人會知以往山道舊址是一條大水坑o黄SIR當年在此水坑放過鴨仔!D鴨仔一放入水就會浮及遊泳!十分神奇!
再行遠D就是金陵戲院舊址o現在南里街也不知仲有冇存在矣!以往有好幾檔大排檔, 當年魚蛋粉只賣三毫子, 一毫子有淨粉食o黄SIR先飲一半湯, 再叫檔主添D湯, 多數冇托手睜!一毫子就可以食很飽矣!
唉!而家D湯都冇晒鮮味矣!
回應
(0)
我要發表