匯控業績啟示

　　人人關注既匯控終於出業績，成績強差人意，歐洲和香港既盈利全被北美食晒，相當慘烈，同時１２供５股，供股價２８元，有大折讓，宣佈全面撤出美國融資業務，只保留信用卡。

　　英國匯控急跌，相信大家睇完業績都預左，同時我要幫阿媽計下，供股相信會供，但不建議人再增持匯豐住，月供另計。

　　匯豐係０８年業績係歐洲係錄得增長，反觀香港有倒退，從成績表黎睇，反映香港係０９年係相當艱難，並且有可能係第２至３季急速下滑，情況不樂觀。

歐洲業務雖然有增長，但因為有關出售法國資產有關，扣除該一次性收入，其實歐洲冇咩點增長，北美洲仍然有好多不明朗因素，可幸係亞太區業務有好表現，但係情況只反映０８年情況，如果要計埋０９年可估計既壞情況，匯豐現在可以講係中等水平，５５元既現時股價真係半天吊。