百年老店值唔值得投資？

　　匯豐收市時見$３３，其實由０８年尾到０９年初，匯豐股價俾班大戶玩到亂晒龍，最後當業績公佈出黎之後，好遺憾始終都係要供股，而且供股價係２８元比起當時５６元有折讓既空間都彼多，當見到之後，心諗大獲啦．．差得咁緊要，當然唔計撤出美國業務所帶黎既減值，係賺１９９億美元，係比上年少１８％左右，但係撤出美國業務既手尾實在太多啦，同時宣佈供股１２：５，對股東其實真係一般，將股東既碎股食埋，而且，實在供既比例太多啦。

　　或者咁講，係匯豐出左業績之後既失望聲音實在太多，亦同時不得不承認，美國既資產佢有好多，而且呢ｄ資產價格仍然不斷下跌緊，今日午間新聞，美國樓市既銀主盤有１元成交，當然呢ｄ１元平貨好多都要業主自己翻新先賣到，但美國國內斷供只有不斷增多。同時歐洲問題實在太多暗湧，香港業務收縮奇快，前景相當不樂觀。

　　由０７年１５２元跌到現在，已經有超過百多元既跌幅，傳統買入再持有既傳統觀念真係比金融海嘯沖撃得體無完膚，直到現在，我相信匯豐管理層係值得信賴，亦相信係１００元樓下買貴左匯豐既朋友，唔會買錯，只有買貴，不過，如果講前景，相信匯豐要復原既時間真係要好好好好好好長，而且派息亦都減少晒。

　　市場要有更好既選擇，相信中資銀行股值得大家持有更多係鐵一般既事實，至少風險較少，當然若大家係想匯豐短線博反彈另計同守止蝕．．．．

　　匯豐擁戴者係呢個時候真係要停下手，每次見有咁多血肉長城既時候真係嘩一聲。

　　我沒有持有ｈｓｂｃ，但願ｈｓｂｃ早日康復