匯豐總動員

　　匯豐供股，令到好多已退休既長者都要出山，此情此境真係難得一見，號召到咁多人，相信都係得ｈｓｂｃ做到，匯控供股權尾市被炒上１３．ｘｘ元，個人認為不值得冇貨者追，因為係市場買現貨成本差唔多。

　　大市持續向上，相信好多都跌眼鏡，可能我和好多跌眼鏡既朋友都犯上左未來經濟唔好所以市要跌既候群症，在此情況實在尷尬，大部份中資股價錢感覺似上升同時感覺亦不穩，在我自己心底裡我係好想去買股票短炒，從我另一心底裡，呢個價位實在太大風險，我堅持相信大戶就係想散戶們入市接佢地ｄ中資貨，因為我呢個老散個心好手痕想短炒，只係我剋制到下。

　　中移動業績出左好多人話佢前景唔好，３ｇ累佢，但其實佢反而係最好既避風塘，賺錢多風險又少，只係股價較大銀碼同埋佢係權重股，再加上消息影響，所以大家都話佢差，但係佢反而係多隻藍籌最穩定的一隻喔。

　　大家短炒要小心，長線朋友好似時機仲未到喎。