奇書奇譚 2

講開黃家奇書, 其中有D医卜星相書, 黄SIR根本無從求証是否有效？

倒如睇相有麻衣栁庒ｏ當年黃SIR十零歲, 十分好奇ｏ一D嚜在面上位置, 又可定吉凶ｏ看D人相格, 又可定貴賤ｏ睇吓D掌紋, 又可知過去未來ｏ如斯奇書, 焉能𣎴讀？

有一輪黃SIR迷頭迷腦, 去讀麻衣栁庒ｏ誰知有日俾超伯睇見, 一嘢就令這位本來係番生賴布衣的黄SIR死晒心ｏ超伯話: 呢D嘢都好學？你幾時見D睇相佬發吖？既然冇义用, 唯有放棄囉！如果超伯早D知陳振聰咁死發, 黄SIR就唔會咁易放棄啦！

又有一輪, 俾黄SIR在家中揾倒本橘中秘, 又埋頭埋腦去研究ｏ什么順炮橫車破直車！什么二鬼拍鬥, 殺到晉成街班大小屎棋頭, 落荒而逃ｏ跟住又揾倒埋本梅花譜, 連屏風馬對當頭炮, 什么仙人指路開局都學埋, 從此在學校及晉成街做鬼咗棋王！可見奇書的利害！書中自有顏如玉就未必, 但書中自已黄金屋就必然了, 因為捉棋可嬴錢也！

黃SIR正想進軍全國棋壇, 同當年神童胡榮華一較高下ｏ什么楊官璘, 什么李義庭, 什么九省棋王, 黄SIR早已𣎴放在眼內矣！

又是誰知最着迷之際, 超伯又係一嘢話: 你睇吓街邊D所謂棋王吖, 個個都Mau街！又有边個發呀？

從此奇書橘中秘, 梅花譜, 對黃SIR的影响, 又成了黄SIR的少年夢矣！