奇書奇譚 9

讀書一定要揀層次高D人寫嘅來讀ｏ有D低層次的人, 寫埋晒D低層次嘅文章,簡直是欺世盜名, 信咗佢就該煨矣！

以前黄SIR屋企有套毛澤東選集, 仲有好多本紅書仔毛語錄添ｏ

黄SIR一貫乜書都讀一餐ｏ當年發覺老毛的文筆真好, 什么革命不是請客吃飯！什么不怕犧牲, 排除万難, 去爭取勝利！睇到黃SIR熱血沸騰！差D想去同佢打江山！（好彩當年年紀少, 又懶又怕死！革命？咪鬼搞！）

後來共產黨的歷史, 証明此等文章, 只是宣傳文字ｏ根本作者自已都冇句信！犧牲是你,享樂是佢！到今時今日在偉大的祖國依然好鬼啱！

但黄SIR卻意外地發現老毛原來喜愛跳社交舞, 仲揾晒D文宣工作靚女玩樂一番！仲話令領袖快樂等同支持革命！（似乎近年黄SIR之選擇冇乜錯！至於佢係湖南佬, 梗唔識唱粵曲啦！即係我黄SIR仲醒過佢！嘻嘻！）

近年開放改革, 紅書仔（毛語錄）已成了古董矣！

而家仲讀呢D金句之人, 肯定被人當做儍瓜！信果D只有係左仔！仲係左中至左的死硬派也！至於黄SIR就明哲保身, 政治咪鬼搞我矣！

此書之思想, 真係信佢一句都死也！

但到今時今日, 依然好多人日日寫呢類宣傳文章！信佢你就傻矣！