禍兮福所伏

有云:  福兮禍所倚, 禍兮福所伏ｏ

亦有云: 塞翁失馬, 焉知非福ｏ 塞翁得馬, 焉知非禍ｏ

人生真是禍福無常, 人只能聽天由命而已, 似乎樂天知命才是處世之道！

在電視上見維景被隔離的旅客, 倒數放監的歡欣, 就令黃SIR產生了上文的感歎！

呢班旅客, 無啦啦被一個墨西哥佬所累, 又受制於香港政府的嚴陣政策, 被困七日, 真係無妄之極！但七日過後, 竟然變成了惜別大派對, 大家共進美酒, 互相祝賀！居然是喜悅無限！

如斯遭遇, 真是畢生難忘也！

如果大家未能感悟的話, 可以看看張藝謀先生 “活着” 一片, 你就可以感受到人生禍福無常之道了ｏ

主角爛賭, 輸了身家, 卻避開了被共產黨誣為地主被鎗斃之禍！戰亂中胡裡胡塗做了無產階級, 後來女兒因失聰, 嫁了個工人英雄！居然幸福愉快！

最妙一幕, 是文革小將佔了医院！主角女兒難產失血！而教授卻因食了多個饅頭飽到動彈不得, 令佢女兒失救而死！一幕幕悲喜劇交替！看事後主角淡淡道來,  無怨無悔！似乎這就是人生了！

所以做人千祈咪鬼咁悲觀, 万事向好處看！

咁樣做人就會快樂好多矣！