意料之外！情理之中！

小甜甜遺產誰屬, 法庭戲正式開審, 相信一定有出人意表的案情透露！現在陳振聰一方用男女私情得產作理據, 據說更要出埋髮妻共証奸情（不合理劇情！）以証遺囑係真料！此舉真令人難以理觧也！（用老婆去證明丈夫有奸情？咁都得？）

另一方力証陳振聰只是純風水師身份！用什么種命遺囑來打！直指此風水佬無理奪產！小甜甜將全數遺產交託此人, 並不合理也！

今次真係好睇過上次小甜甜同家翁之爭產案！

上次一案都算峰迴路轉, 一直打到終審, 小甜甜才以二票對一票取得勝利, 真係險過剃頭也！！

今次雙方律師乃鑽石陣容, 其中有位余若海乃公民黨余若薇兄長, 且看打此官司功力如何？

有線電線新聞台, 直情當長劇咁欵去做預告, 真係好睇過而家無線播緊果套什么巾幗梟雄也ｏ

近日黄SIR的消遣乃在 四奶奶, 柴九, 陳振聰 的劇情進展！

此類情節, 以黄SIR多年編劇（黄SIR曾於六九年中大联合書院系際戲劇比賽得過最佳編劇獎也！）的經驗, 如想好睇, 就一定要編到  意料之外！情理之中！

呢個就係編得好唔好睇的準則了！