快樂賭馬法

未講快樂, 先講為什麼賭馬會不快樂！

賭馬不快樂是因為會輸錢, 尤其是輸了大錢, 真係心如刀割！令人痛不欲生也！而賭馬為何會輸, 就因為十賭九騙, 奸過鬼！賭馬真係古古惑惑, 造馬造到離鬼晒譜！

所以賭馬要快樂, 前題就是要買中！要中就易啦, 香港跑馬, 最多十四隻, 計一計連嬴位得九十一瓣, 買晒就中硬！但多數派彩都少過九百一文, 咁即係唔可以塲塲賭啦, 塲塲賭, 正儍瓜！

揾D亂局, 3T塲次, 連評馬人都冇修的塲合先出擊, 搏爆冷就只得一個可能, 嬴番幾多也！中就一定中硬矣！中硬仲唔快樂？

又有乜嘢快樂得過, 事先張揚, 話明中硬吖？吓？

黃SIR有一次在馬塲, 在開跑前, 黄SIR告訴一位一同入塲的朋友ｏ 黄SIR話: 我呢塲中硬！朋友不信, 我就把手上的票給他看, 原來是獨嬴十四隻馬全餐, 每匹十元, 共一百四十元正！

朋友大笑！咁梗正硬啦！不過會輸噃！正笨蛋！

黄SIR笑笑口話, 睇吓點？

果然, 果塲爆大冷, 獨嬴成千文！笑到黄SIR見牙唔見眼！朋友為之吹漲！

又有一次沙田夜晚沙地賽事（成年先得一两次！）ｏ黄SIR見塲塲沙地千六米都爆！尾塲一於有理冇理, 連嬴位全餐ｏ每注十皮嘢, 十二隻馬共660文買ｏ

嘩！果塲條Q成四千幾皮！

边個話賭馬難賭？幾死易中吖！

咁樣賭馬係唔係好死快樂呢？嘻嘻！