一犬吠形百犬吠聲

2009/05/24 21:20:08 網誌分類: 時事

24 May

最近每次黄SIR聽見有人覆述煲呔曾說的一句話: 我的意見是代表了……. 香港全部市民的意見！

跟住口株筆伐煲呔曾！

黄SIR就立即知呢個人, 一定係冇睇過煲呔曾現場說話的真實片段ｏ

如果有, 依然咁講嘢, 佢同人溝通一定有問題, 一係就明屈, 刻意曲解人的意思, 一係就根本冇能力聽得明別人說話的意思！

但現代科技發達, YOUTUBE根本有現塲版本, 黄SIR也放了入kc BLOG之內,根本騙不了人！

大家可細心聽真吓, 根本煲呔已在即塲, 立刻聲稱只代表部份港人意見而已ｏ只不過第一句一時口快噏錯咗, 佢已即刻糾正了！

但泛民立即咬住不放, 瘋狂進攻, 發大泥搞, 集體退塲, 高調回應, 又印了標語, 又印T裇, 相信六四, 七一, 一路搞落去！

普通人為口奔馳, 只有聽的份兒！边有咁死得閒去研究呢？所以就以訛傳訛下去！煲呔已無由申辯矣！

但網上依然有好多人心水清的人, 知道真相並非如此的！

但普通人立場, 又冇欠煲呔什么, 边個人咁得閒去同煲呔講句公道話呢？由得D癲狗吠佢就算啦！做特首, 咁鬼高人工, 係要受氣嫁！

黄SIR只能嘆一句, 一犬吠形百犬吠聲！

回應 (6)

我要發表

2009/05/26 23:45:19 回覆

Those "sh-it stirring sticks" should be sent to Mainland to be erased from the earth totally.

KC blog 主 2009/05/26 01:19:36 回覆

條八婆連權力同權利都噏錯啦！又冇人打佢！權力同權利都分不清？點做律師呀？點做立法局議員呀？

班友後來發癲更屬嘥時間！

毓民仲亂搞一通ｏ有人又大叫曾蔭權可耻！真笑話！

編輯HTML源碼

2009/05/26 00:02:26 回覆

特首不能代表香港..咁你班泛民,為何要在大會上,問些私人問題???他口快快講多市民兩個字,駛唔駛死呀..

你個婆娘還要窮追猛打..非要特首答你的私人問題..是否浪費時間??不可散會再問?早有預謀!!陰陰濕濕.好毒的婦人呀!!

政治就是你死我活,特首還要咁天真?傻架.

如果特首答支持平反…咁..你班豺狼,,奴才..又會大叫: 特首既然是香港人的特首,他的意見..即是香港人的意見了……..

到底香港人有多少是盲毛,人云亦云...我看不多……..

KC blog 主 2009/05/25 10:15:40 回覆

呢班友明跣煲呔, 但卻暗呃全港市民ｏ

大部份人根本不知現塲情況, 以為煲呔真係咁弱智, 這就是問題所在ｏ

根本再描再黑, 煲呔事後也有補飛！傳媒再唔同佢解釋, 連港台頭條新聞也只播佢失言果句ｏ再冷嘲熱諷一番！

真離譜！

萬大有商量 2009/05/25 09:36:58 回覆

曾特首一時口快,立即更正,何罪之有,罵特首之人,貌似正義,實缩骨,不敢罵北爺,集中火力,狂罵特首,留後路,搏回乡也.

花姐 2009/05/24 23:25:18 回覆

{#120.gif}