快樂過日辰法
2009/05/26 23:24:13
網誌分類:
生活
通常人生活了一陣子, 都會活得不耐煩, 熱又嫌熱, 冷又嫌冷, 嫌三嫌四, 自已不快樂, 製造麻煩, 搞到身边的朋友也不快樂!
黄SIR退咗休, 就放低晒以前工作的壓力, 揾味粵曲粵劇泥玩, 一來有嘢學, 二來又識倒一班朋友, 實行歡樂粵曲一番, 生活有了寄託, 就一D都唔會悶啦!得閒去深圳操吓曲, 按吓腳!倒也樂也悠悠也!
至於新寵跳社交舞!又係大把嘢學, 又拉丁, 又BALL ROOM, 剩係拉丁 都分 冧巴, 查查, 牛仔, 再加森巴, 學極都學唔完!而BALLROOM又分 慢三, 狐步, 探戈!學咗又可以, 約D朋友操練一番!又係冇時得閒也!
至於又唔唱歌, 又唔跳舞的日子, 寫吓BLOG, 吹吓水, 一樣心情愉快也!
正是: 𣎴作無益之事, 又怎遣有生之涯呢?
有時有D人覺得咁做人, 咪好冇意義?
超伯說得好!老人家活得出色, 就是對後生的最佳的支持!
既然能夠支持住年輕之輩放心去創富, 又點算活得無意義呢?
既然活得有意義, 又點會唔快樂呢?吓?
所以退下來, 悠悠閒, 吃喝玩樂!絕對是有意義之舉也!
咁樣過日辰, 係咪好快樂呢?
我就咁過日辰嘞!你地又點過呢?吓?
回應
(0)
我要發表