快樂過日辰法 2
2009/05/28 00:05:09
網誌分類:
生活
做人最大劑係一早起身, 百無聊賴, 冇嘢做, 一日流流長, 點過?
但黄SIR就冇呢個問題, 通常一起身(已經十時後), 股市已開, 睇吓個市, 如果升到巴巴声, 就將手頭上D股票賣一两手, 收咗錢就印印腳!歎茶, 睇戲, 同朋友吹水, 食飯去也o因為成日洗費都有著落矣!
至於個市跌到隆隆聲, 一於睇定平時想買的股票, 睇吓到價未?至於先前高價出咗果D, 有理冇理入番一两手, 補完倉, 又係好似有收獲一樣矣!(買倒平貨, 仲唔開心!)
比如黄SIR至愛, 隻盈富基金(2800)係同桓生指數掛勾嘅, 你都唔駛慌33隻成份股會一齊執笠啦!例如近日一起身, 見佢升到巴巴声, 如果過晒万八點, 仲唔賣番幾手收割乎?
至於一個唔該跌到万五, 六點, 仲唔入番一两手乎?因為万七走咗D貨, 買番都賺一两皮一股啦!明未?
唔啱揾隻公用股港燈(006)泥玩吓啦, 呢隻嘢, 而家42皮都有成五厘息o升市佢就反而會跌(據講係資金流失喎!其實係D人攞D錢去炒熱門貨啩?!)所以等佢跌穿42皮, 買泥收五厘息都好好玩也!
日日等, 日日等, 咁咪大把嘢做囉!
日日起身, 升有得玩, 跌又有得玩o
唔升唔跌, 就等收息, 又有得玩o
係咪可以過日辰呀?嘻嘻!
之不過……..話明過日辰, 梗係發唔倒達啦!
回應
(0)
我要發表