５月總結

　　恆指５月繼續升，所有看淡朋友包括我都大跌眼鏡，不過小弟唔識做淡，亦都冇興趣做，看淡幾時都難睇過看升，雖然小弟心底裡睇淡，不過仍然係有買股，好多版塊都係係度炒上，就連破３已久既中行都上返３蚊。

　　小弟心底裡仍然係看淡，不過若只睇市不滿足，所以已經開始左一輪短炒，上回小弟講既華能今日好有力，不過尾市忽然向下，確係擔心，但仍可持有。

　　股市瘋狂，手痕既朋友我真係建議閒錢短炒，但記住識止蝕，咁樣玩法會好安全。

　　樓市比我既感覺係係度拋貨急吐現，但係買樓情況真係群情兇湧，睇黎餓左好耐既現金要周圍搵地方埋堆，究竟係反彈定係真係見底回升，真係往後先知。

　　隨住中國漸漸強大，香港競爭力一日比一日少，國內生活水平較平，好多野成本都較低，對比香港，一件產品既成本差距實在太大，而且國內制產品水平唔好差，真係唔知香港再可以點比下去。這是小弟朋友上過內地一排既有感。

　　另外，內地原來早已有電子車，佢唔講我都唔知，有感香港係比人後知後覺定係我係井底之蛙？