快樂過日辰法 4

至於有馬跑的日子, 過日辰仲易, 例如星期日跑, 星期四已經排位, 電視有數個賽前預測的節目ｏ報紙及馬經又有埋D往績, 五次賽程表現, 成百幾隻馬, 真係做功課做到昏天黑地, 不知時月飛逝, 老之將至也！

星期日跑完, 星期一又排位, 星期三又跑, 日子係咁過！

但賭錢過日辰, 大忌是輸錢, 一輸錢仲有乜可能快樂呢？

但唔玩又點過日辰呢？

首先你要明, 呢個遊戲, 你唔放D錢落去, 就冇得輸ｏ如果你唔輸已經好快樂, 就剩係睇囉！（通常都唔得嘅！）

如果你當係娛樂, 娛樂係唔係要娛樂費呀？黄SIR每次預, 數以百元娛樂費, 就唔怕會輸大咗啦！

黄SIR每次去到馬塲, 坐在玻璃窗前, 睇住D馬跑去閘前, 揀 D生生猛猛, 開開心心跑嘅馬泥買, 小注怡情！真係好鬼爽嫁！通常D馬唔駛儀仗馬拖去閘前, 自己開開心心咁跑過去果D, 好多時都冇WIN有披嫁！信不信由你！

至於想中馬, 真係易如反掌！任何彩池全餐就中硬啦！我都介紹過好多次啦！嘻嘻！

呢個快樂過日辰法, 又唔知啱唔啱你地呢？吓？