年青人的工作心態
2009/06/01 23:09:03 網誌分類: 時事
在網上討論區看到一些時下年青人的留言：
TTTK：「我是讀純科學的，之前做 ADMIN CLERK，四月辭工，現在都未搵到，我現在只想搵份臨時工或兼職。」如果你當初將這份 ADMIN CLERK 當做臨時工或兼職，現在便不用抱怨。
sasai：「我去年科大物理畢業，之前做物流，9.5K，份工無前途，兩個半月前辭了職，現在搵緊工。」何解不可以將這份沒有前途的工作視為臨時工，暫且做下去直至找到另一份工作？ 樓上的 TTTK 可能想說：你沒有興趣的話，可否介紹我去做這份臨時工！
Maxmickey：「08 科大數學系畢業，做政府臨時救生員到十月尾，合約完了就失業。 到四月先搵到份『助手』，做了十一日頂唔順走了，現在做番救生員，失業半年先有工，還要做 Temp，又浪費了一年。」看來 Maxmickey 還是適合做救生員這種大部份時間閒坐著的工作，太操勞的怕你做不超過 11 日便喊著要走。
其他的留言跟以上三位也很類似，就算不是全部也可以代表大部份年青人的工作態度；當全球一體化，我們不單要跟國內，同時也要跟世界其他地方的人競爭時，香港年青一代仍然一副好整以暇的心態實在是令人擔心，也許我太杞人憂天，但願他們不是生於安樂，死於憂患！
現在年青人找工難,剛畢業就失業,我隔離一見到我,就話我二個仔都失業,阴公~
人哥講得好啱，想像吓我表哥每天好似去遠足咁，搭車、搭船、搭車、再轉車......如是者四年，就算心中有幾多團火都好易淋熄。
你表哥是令香港繁榮的舊一族,沒有這一族,香港現在連老本都沒得吃.
好妹妹 , uuuuuuuu
聽講日本有500至600萬的宅男，即是日日留係屋企吾做野靠父母養的年青人，希望香港不要步其后塵。
一個社會發展到一定的程度，總會有副產品出現。
發展中國家的年青人最勤力，因為他們看到的將來是美好的，社會在發展，機會在眼前，會拼會搏。
我係中國人，亦係土生土長的香港人，我希望中國好，更希望香港爭氣；至於點樣爭氣避免香港沉淪，就要睇現在 30 歲或以下的人今後如何自處。
我想講吓我嘅大表哥，佢 1953 年出生，今年 56 歲，當年中學畢業我父親介紹佢入咗一間跨國工程公司做見習測量員，即係所謂墨斗仔，做咗一年佢都覺得幾有興趣喺呢個行業發展，我父親建議佢讀測量，表哥就報讀紅磡香港理工大學嘅前身香港理工學院嘅再前身香港工業學院的夜校課程。
當時表哥住香港仔，喺屯門樂安排海水化淡廠的建築工地上班，放工後趕去紅磡返學再回香港仔，當年沒有海底隧道，更沒有地下鐵，每日未天光便出門，深夜才回家，還要做功課，如是者堅持了四年考到測量員資格，再讀其他高級文憑一步一步咁行出條路；我要講嘅係佢開始嗰四年的堅持，我唔知今日的年青人是否能夠體會到箇中辛酸，叫佢哋做唔知做唔做得到？
唔...............
作為年輕人我都唔識點回應,
不過對於工作呢,
年輕人自己最清楚每一個決擇都有好處同壞處掛~~
同其他年紀既人唔同就係--
會多d意氣用事。
不過06至07大概返左工一年, 08至09又返左一年以上,
中途當然有轉下工咁既,
又讀下書咁既,
之後又讀書 (對工作有用的),
咁我自覺都係為左上進,
唔係呆等機會。
年輕人總要受點挫折，才會成長。能夠吸收失敗的經驗，改變態度，這樣也不錯呀！
最怕就是意見不接受，態度照舊。
騎牛搵馬比坐食山崩好.
唉，年青一代好難再像慳妹姐你個代咁克勤克儉，任勞任怨架喇。
呢啲係進化了的「歐洲蜂」呀!!!
依家要搵啲經歷過貧苦,又自愛,又上進,又文武雙全的,好難喇!嘻嘻