快樂過日辰法 5

另一快樂過日辰法, 就係去揾D嘢泥學嘞！睇吓你嘅興趣係乜囉ｏ退咗休, 好多人都揾D運動型活動泥學ｏ唔運動吓, 好易出事也！

例如學氣功呀, 學太極呀, 學八段錦呀, 學鶴翔樁呀, 學呢學路！學得两學揾埋成班同學走去唱K, 去雀局, 組織D小园子玩樂一番, 又係過日辰妙法也！

如果好似黄SIR咁有藝術天份, 唱吓粵曲也是不錯, 一唔係做埋粵劇都得！唱流行曲, 卡拉OK, 合唱團也可以！

至於繪畫呀, 書法呀, 整圖章都得ｏ以前港大個校長黄麗松先生, 退咗休, 去學整小提琴！真利害！張五常教授就出書, 寫書法, 聽講仲賣倒錢添！

超伯就攝影, 做掌板, 教上網, 教活力鼓, 日日忙到不可開交！真正豐盛人生也！

諸如此類, 都可陶冶心性情, 有益身心, 不妨玩吓！

至於近年興起的跳社交舞, 也可以考慮玩ｏ但跳舞麻煩的地方是要揾派拿一齊學, 到社區中心去學又女多男少！黄SIR去到, 容乜易搞到天下大亂嫁！

想快樂過日辰, 真係話都冇咁易啦！

……..如果閣下有黄SIR咁鬼好條件的話！嘻嘻！