快樂過日辰法 5
2009/06/02 21:00:12
網誌分類:
生活
另一快樂過日辰法, 就係去揾D嘢泥學嘞!睇吓你嘅興趣係乜囉o退咗休, 好多人都揾D運動型活動泥學o唔運動吓, 好易出事也!
例如學氣功呀, 學太極呀, 學八段錦呀, 學鶴翔樁呀, 學呢學路!學得两學揾埋成班同學走去唱K, 去雀局, 組織D小园子玩樂一番, 又係過日辰妙法也!
如果好似黄SIR咁有藝術天份, 唱吓粵曲也是不錯, 一唔係做埋粵劇都得!唱流行曲, 卡拉OK, 合唱團也可以!
至於繪畫呀, 書法呀, 整圖章都得o以前港大個校長黄麗松先生, 退咗休, 去學整小提琴!真利害!張五常教授就出書, 寫書法, 聽講仲賣倒錢添!
超伯就攝影, 做掌板, 教上網, 教活力鼓, 日日忙到不可開交!真正豐盛人生也!
諸如此類, 都可陶冶心性情, 有益身心, 不妨玩吓!
至於近年興起的跳社交舞, 也可以考慮玩o但跳舞麻煩的地方是要揾派拿一齊學, 到社區中心去學又女多男少!黄SIR去到, 容乜易搞到天下大亂嫁!
想快樂過日辰, 真係話都冇咁易啦!
……..如果閣下有黄SIR咁鬼好條件的話!嘻嘻!
回應
(0)
我要發表