7月2日 恆指高開低收

　　今日早上沽出了所有短炒股，點知沽左之後反而升得仲勁，公路股黎，沽左之後就出去同朋友吃個午餐，短炒賺了去消費開心下都係一件樂事，今日到了深水埗，冇去一段時間，LCD顯示器已經大量降價，還記得上一年２２吋既LCD MON都較好都要２０００－２４００元，今日只餘１０００－１５００已經有交易，１６００什至可以找到２４吋，電腦既週期性變得太快，難怪電腦科技類既股票除ＩＮＴＥＬ，ＡＭＤ同微軟等賺８大錢外，好多其實都係以量同不斷快速週期去維生，當然呢個情況可能只係香港較特別。

　　講番恆指，雖然是日由高位回落，不過呢種波動市係最近都經常見到，大家只要不胡亂追貨又或個心太雄，都唔使驚既，個人認為都係上落徘徊，短炒既朋友要小心入市，唔入都冇損失，至於長線朋友都係等下，又或月供方式都不錯，最近借閱了曹ＳＩＲ既論性，正在閱讀緊。

　　曹ＳＩＲ在短炒方面一向都建議看ＲＳＩ，移動平均線，ＫＳ線互相利用，我短炒了３個月時間，賺唔到Ｄ咩大錢（本人自己問題），的確如好好利用，短炒其實幾過隱。但市況有感有點盡，所以短炒朋友要小心啦。

　　從恆指圖，點睇都係慢慢向下，未知會否有咩突破？