怪人須有理
2009/07/09 00:49:48
網誌分類:
生活
有次黄sir坐飛機, 正在施施然吃罷飛機餐, 把椅按下, 舒舒服服伸一吓！突然後面有人大力推椅背, 仲暴力踢添！回頭一看, 一位老婆婆認為我侵犯了她的空間ｏ黄sir眼見她土氣十足（大陸土炮, 第一次坐飛機果隻！）唯有自歎倒霉, 將椅背調高, 息事寧人了事！
又有一次坐電梯, 忽然有一幼童衝入, 差d俾門夾倒, 黄sir一時口快！睇住呀！好易夾親嫁！
雖知小童背後一肥女人, 冷冷地向天說, 夾親？除非全lift D 大人死晒啦！
嚇到黃SIR 收口都收唔切！
又有一次, 去一医生處候診, 有部冷熱水機, 睇來個熱水制會燙親人果隻ｏ黄SIR眼見有位小朋友走埋去玩水機, 又係口快快噏出聲, 喂！會燙親嫁！小朋友！
又係一位肥師奶, 又係冷冷地向住空氣講！係D蠢人至淥得親之馬！
唉！又係衰多口！應該等條靚仔淥親至出声, 就冇事矣！（可能到時又俾人怪唔早響矣！）
所以黃SIR而家 人老精, 鬼老靈！
以後眼見有人可能會出錯, 都少出声為妙！
謹遵教導,冇義氣的人多的是,下次照做.
假如我幫他,我被駡,他躲在人群看熱鬧,我一定會走向他身後,双手推他向前綫,跟着說:「他是对的,我誤会了他,你照他的價錢買吧」.跟着,把已經扭曲的面容,擠出一付大方的笑面離去.
昨晚我在MTR車內,門剛要關時,被兩個呀嬸衝門,碰到我唔講對唔住,仲話d人鍾意企正門口,兩個呀嬸真係打橫行都得.
我試過有次同朋友去賣餸,她被人揾笨取巧,我幫她取回公道,點知她閃下閃下,走咗去好遠睇熱鬧,变咗件事係我,以後扣哂佢分,疏遠埋佢,吹漲!
有一年,在水街街市,有一白粉佬踢了一個中年女人一脚,並大聲駡,「八婆,乜你咁多九事」,再聽下去,原來他打荷包,被這女人用眼色通水,目標物按實荷包,安全離去,亦没有理會這通水者被踢,被大駡駡.
當年我约三十歲,準備出声阻止,但看清此人,熟口熟面,而事件亦剛好在我家門口,為了小孩安全,我強忍怒火,但我停下步,望着白粉佬,他見有人行注目礼,亦匆匆而去.
遇見别人有難,在安全情况下,要幫手,便是冇胆幫,應報警並留在现塲作証人.
咁又唔係咁講！錯可以唔提，但危險一定要出聲，本著良知做事，不管回報！日行一善呀！
如果你做過服務性行業，見到很多事情你都會變得麻目和不要理會因有些人是反咬你和僱主無理由會要求賠償所以有事一定要報警由警方處理