恒指/道指 (14/7/2009)

收市後評論: 今日港股愈升愈有, 沽空金額減少, 似乎係預期高盛既業績會好靚仔, 另外油價止跌回升, 重上 60美元, 所以憧憬今晚歐美股市會持續昨日的升勢, 呢兩日大鱷係港股玩得咁癲, 有理由相信佢地係部署緊一d野, 大龍鳳好快會上演, 今日恒指大幅上落 (17254 ~ 17896), 真係好誇張, 股市大幅波動, 有糊要食, 切勿讓盈利逃跑了, 大鱷推高股市通常係逐個板塊黎掃上, 我通常會將獲利深既股份沽出, 再換入落後股.

dai dai Sir 分析:

昨日恆生指數 7月8日 跌穿複式頭肩頂頸線後，上周尾完成後抽，周一急跌，量度跌幅將見 15785 左右。

HSI ADR   17664   + 409

今日恆指收 17885 升 631點，平均線排列利淡，在上升軌Ｌ之下，利淡。今日指數升回頸線之上，看能否化解複式頭肩頂危機，還是再營造另一個右肩，上阻力 18883﹔支持 16740。

建行939

5天線剛跌穿30天線，利淡。股價在上升軌Ｌ之下，利淡。上阻力$6.19﹔支持$5。

中海集運2866

平均線排列利淡，在上升軌Ｌ之下，利淡。上阻力 $2.41、$2.65﹔支持 $1.66。

金兄分析: (14/7)

七月期權方面最大倉位部署，上面18400和19000。17600會由支持位成為阻力位，觀察今天的走勢便知道反彈力是否夠強。唔夠力反彈，則會再次尋底，下面防線是萬七和萬六點。 美股再次反彈，是否吻別50日線後再插，有待觀察。

美元被20日線擋住上唔到，相反黃金就衝上去。因為美國借得太多錢，投資者又再驚美元貶值，油價被經濟影響升得唔多，但黃金出現一支大陽燭想升上去。

收市後評論: 大戶真係想升就升，想插就插。暫時睇17895係阻力位。都話「淡友不死、大市不跌」。大戶係都要挾死淡友才肯俾個市落。大戶這兩天可能做測試，或場外有大動作。唔知國內是否有極利好、或利空的政策要出台，政治市好難玩。今日枝大陽燭底部係17660，牛熊分界線，估計今個月始終有機會再試一試。

~~~~~~~~~~~~~~~~~~

14/7/2009 (即市報導)

昨晚道指收市升185點, 收報8331, 以全日最高位收市, 係6月1日以來最大的單日升幅, 但成交未能配合大市升勢

恒指裂口高開 377點(報17631)後持續在高位徘徊, 中午收市升406點, 收報17661, 國企高開 229點(報 10509)後亦保持升勢, 中午收市升249點, 收報10528, 開市競價時段成交金額14億, 半日成交金額縮減至253億

港股半日成交金額縮減至 253億 ~ 本周一  279億/全日 525億(大跌453點), 上周五  295億/全日525億(跌82點), 上周四  322億/全日 622億(升 69點), 上周三  300億/全日 570億(跌 141點), 上周二  265億/全日 506億(跌117點), 上周一  307億/全日 542億(跌223點)

下午開市後, 期指幾十秒內急抽400幾點有多, 閃一閃見18075, 1分鐘內有約3000張期指好倉買盤入市, 帶領恒指現貨升至17900左右, 恒指收市升 631點, 收報17885, 一舉收復50天線 17789 及雙頂頸線 17710, 創逾一個月來最大單日升幅, 國企收市升372點, 收報10651, 雙雙以接近全日高位收市, 但成交未能配合升勢, 全日成交金額進一步縮減至 510億, 金融及地產股領漲

國內股市早段上升 1.56%, 午後升幅擴大至2.1%, 創13個月新高, 成交配合升勢, 亞太區股市全面上升

本周美國及內地將會公布多項重要經濟數據

VIX 恐慌指數急跌 9.3%

波羅的海乾散貨指數持續下跌

本週五 美國期權及英國期油結算

企業盈利前景疑慮減退,美元下跌

油價靠穩, 報59.95美元, 摩根士丹利調高明年油價預測達31%至85美元一桶

金價高收, 紐約期金收報922.5美元升10美元

受能源、汽車等多個行業傳出購併消息帶動，昨日歐洲三寶股市升1.8%~3.2%。

銀行分析員上調高盛的投資評級，並認為美國銀行的股價偏低，可以吸納，刺激金融股造好，刺激美股急升，其中標準普爾500指數錄得六星期以來最大單日升幅。

伯南克指經濟衰退放緩但失業率仍會上升

奧巴馬暫不推行第 2 階段救市計劃, 蓋特納料美國經濟或未來兩季回復增長

全美最大商業貸款公司CIT踏入破產邊緣，若公司倒閉，將是自監管部門2008年9月份接管Washington Mutual Inc.以來倒閉的最大的金融機構, 美國政府官員正在就如何救助CIT集團進行磋商，尚未做出最终决定

美國6月份財赤破紀錄,今年度累計已突破1萬億美元,美國財赤急增,國庫券價格下跌

內地擬打壓房產炒風向第二套房買賣活動實施新限制，同時昨日標普指出中國如果下半年持續高速信貸增長，可以預見銀行資產質素將加速變壞，市場亦憂慮內地微調政策出台, 人民銀行要求主要金融機構自6月份起，每月後五日逐日報送存貸款數據

美國商品期貨交易委員會將採取大規模行動,新的監管政策最快會在10月底出台,新政策目的是限制能源和金屬市場中過度投機,為回應近期油價大幅波動,CFTC 宣佈,將通過設定針對所有商品期貨的頭寸,限制來控制市場大型投資者,重點關注能源及如黃金及白銀等金屬市場

美國企業公布業績: 本星期二有英特爾.強生及高盛，星期四有摩根大通. Google及國際商業機器，星期五有花旗.美國銀行及通用電氣，綜合市場預期 S&P 500 第二季業績將按年倒退 36%

本周新華富時指數下調 #2388 中銀香港 比重

(轉貼 勝利証券)

~~~~~~~~~~~~~~~~

周一恒指一連 失守幾個重要支持位，一開市已「踩穿」50天線（17742），另外 5月27日 的大陽燭底部 17347 經個多月（31個交易天）發揮支持後，今日終失守， 下一站要看 17000點 水平是否可以穩守，17000點 於 5月尾 的時候曾經有一番爭持，今次舊地重遊可望有支持，若再失守，下一水平要看 5月18日大陽燭 底部 16334 至 16600 是否能發揮支持。(轉貼 新城鄧威信 13/7/2009)

~~~~~~~~~~~~~~~~

高手話外資意見分歧，雖然有人睇好，但佢自己有戶口間外資行都睇淡話要調整，但沽盤放出街亦有人接，暫時個市未係跌得好急。所以高手話大陸資金水浸香港，炒樓炒股，佢雖然都係睇調整市，估計調整幅度未必好深，佢短炒策略係見跌多啲就入，有水位就走，炒一轉短，相反彈到高少少又沽吓，因為又估去個市短期去唔到邊。

下半個月有機會探低少少，１６５００點唔係無機會見，但怕佢調整完又彈，所以唔會太狼去沽，主要當一個調整市去炒。佢最關心係阿爺會唔會有截水措施，若見阿爺搞呢啲嘢，就要避一避。短期內要創新高上１９５００點有難度，因為美股亦在調整，恐怕美股唔上高位，港股好難上新高。(轉貼 陸 Sir 13/7)

~~~~~~~~~~~~~~~~

美國好壞消息互衝，但調整到咁上下，又來一個非常有力的反彈，顯示市場其實沒有方向，股市上下急走，去向難測，不過正路睇除非業績有很大驚喜，否則按理反彈完應繼續調整得深啲。(轉貼 陸 Sir 14/7)

期指幾十秒內急抽400幾點有多, 閃一閃見18075

兩日咁快就出現一賣一買的巨盤，就巧合得有點出奇，周二個盤好似有人玩野，推番高個市，或者有人做左好多好倉，見上日無情情俾人隊幾千張期指隊低左個市，條氣唔順，所以照辦煮碗，你做初一我自然可以做十五，你沽咁多我獱番咁多。又或者想嘜高個價，因為黑市期指600點就打靶，期指昨日最高升過799點，乜野黑期淡倉都夾死晒。另外有18000點打靶的熊證，亦可能夾高殺熊證。(轉貼 陸 Sir 15/7)

~~~~~~~~~~~~~~~~~

2009年上半年6個港鐵(00066)項目登記售出2200宗，總值166.58億元；售樓收益超過許多發展商。若09年下半年港鐵三個項目全數售出，全年銷售宗數將達5304宗，而銷售總值可以接近300億元。08年全年港鐵項目銷售登記 3790宗，總值242.77億元。(轉貼)

~~~~~~~~~~~~~~~~

簡sir:

恒指3月至6月的大升浪以「頭肩頂」結束，確認➁浪進入中期性調整。恒指自11344點狂升至19162點，大幅飆升7818點或68.9％；而➁浪調整0.382-0.5，下望16175-15253點的預測維持不變。

~~~~~~~~~~~~~~~~

陰謀論

今天港股大幅反彈, 恆指再次重上50天線(在17790點), 但仍低於十天線(在17896點), 相差11點, 值得留意, 昨天大市在兩分鐘之內急挫四百多點, 但今天大市更勁, 在一分鐘之內急升, 大市下午開市後, 在下午 2:32, 期指由17674點急升至18075點, 升幅401點, 之後又跌回17895點, 由高位回落180點, 但成交只是3125張期指, 由於只是期指急升, 因此現貨最多只是17900點, 兩者相差超過175點, 究竟是甚麼原因呢?

如果昨天沽出與今天買入是同一伙人的話, 他們昨天平均沽出價約17200點, 而今天買入價是17900點, 每張虧損700點(即3.5萬元), 以三千張計, 損失達1億元, 當然大戶會透過不同途徑減少損失.

但 大戶為何要低位沽出高位買入, 本人覺得, 大戶正在進行大買賣前的最後測試工作, 第一項是大戶本身的電腦系統能否應付大戶的需要, 第二是要知道市場的深度, 大戶要計算用多少力量將大市推高和質低, 但最重要的目的, 是透過這兩天的買賣, 看看本地監管機構的反應, 如果本地監管機構不聞不問, 他們便知道監管機構的底線, 否則便要調整策略, 而他們今天付出的, 未來將會大幅賺回來.

因此本人覺得, 大戶將利用任總離任作為藉口, 大炒港元與美元脫勾的遊戲, 到時港股將大幅上升, 但當大戶完成沽貨部署後, 大市便大幅回落, 以近期的走勢看, 恐怕港股正處於中期休息階段, 如果第一階段港股由3月低位11345點開始, 升至6月的18889點, 大升7544點, 第二階段便是在高位反覆徘徊期, 如果昨天17255點是第三階段的開始, 恆指升幅與第一階段接近時, 大市將升至二萬四之上, 但大戶在高位完成派貨後, 恐怕恆指將跌穿去年十月低位的10676點, 因此今次遊戲將考驗特區政府的政治智慧及應變能力. (轉貼 劉兆祥 14/7/2009)

~~~~~~~~~~~~~~~~

半日沽空金額 10.71億元 (13/7 15.54億, 10/7 13.12億, 9/7 18.4億, 8/7 23.1億, 7/7 12.5億, 6/7 14.8億)

全日沽空金額 24.77億元 (13/7 37.48億元, 10/7 27.23億, 9/7 38.18億, 8/7 44.99億, 7/7 32.38億, 6/7 31.3億)

今日沽空佔成交總金額 4.86%