憑歌寄意 6
2009/07/25 22:22:10
網誌分類:
音樂
可能鐘意唱k的朋友, 不明白班粵曲友點解要費時失事去深圳唱歌!
原因就是, 粵曲的音樂, 是用來拍和, 不像唱k 要跟足隻碟一樣!所以去曲藝社唱, 就可自由自在地發揮自己的唱功矣!
用k 樂去唱粵曲, 通常都冇咁過癮!用泥頂吓癮就得!一樣會好開心者也!以前黄sir初學唱粵曲o上完堂o成班同學到黃sir的住處的會所o唱k唱到黃昏至散!非常開心也!
唱k 就平好多, 幾年前黄sir在尖東 do le me (平得滯!執鬼啦!)廿零皮一個餐, 仲有, 唔記得係一杯定两杯嘢飲, 唱成五六個鐘!真係快活過神仙也!
黄sir近年好少唱k , 唔知價了!
但深圳 d 曲藝社就大約上千至千六一局(四個鐘!)通常粵曲廿零三十分鐘一隻, 一局七ハ隻歌咁計, 生旦各出一半o唱幾隻歌, 幾百文貨仔咁啦!按腳25文一個鐘, 飲埋茶食埋飯, 連坐車, 五百皮樓下消費咁啦!
以前聽有d外行人, 傳到唱粵曲, 唱到要賣樓!黄sir就認為難度好高嘞!
當然, 閣下玩到要請大老倌伴唱, 又要成台戲唱埋做埋, 咁又另計啦!
揾黄sir啦!黄sir都係俾番自己果份之馬!嘻嘻!
回應
(0)
我要發表