7月30日 似弱還強

　　昨日恆指下午急挫，後來逐漸收窄跌幅，在開市一刻讓人感覺係好危險，但太了點，一步一步上番，最後成交過千億，市底仍然好強，不過應要抖抖氣。

　　小弟寧願失去機會都不願冒風險，現階段繼續不入市，短炒手痕除外。

　　不過在整個過程中，小弟曾檢討中移動長遠發展如何，電訊重組後，反映的情況愈黎愈快，雖然中移動仍然有增長，但各方面明顯放緩，若情況未變，未來確係變一隻公用股，但係現市況，佢又係最安全既股份，相比起其他發盈警又不斷炒上的股份，中移動係絕對穩健。

　　昨日小弟和一眾朋友吃飯，在＜＜沙ｘ王＞＞，感覺又貴又唔好食，還是茶餐廳，火喉＋份量十足，先食得飽，食飯當然要揀平靚正，抵食夾大件。