8月10日 回顧各板塊

　　大市資料相信及實況相信好多地方都搵到，今日小弟先回顧多個板塊，小弟都慣常用６個月圖表，去各大網站圖表已經搵到。

　　除了由今年３月隻隻都開始回升起唔計，講番近月，很多板塊其實初期成形都一樣，除了某些比較落後，但係近幾月都不斷趕升，除了盈喜外，亦都講話復甦之類既野。

　　盈喜類形既股份大部份都同油價相關股，如航空，石化等，反之，石油股近月都較慢，資源股炒復甦升得好快，但唯獨金礦股感覺係幾慢，油，金股都相對大市落後，會唔會有其他原因？

　　汽車，內需，內銀都不斷炒政策，還有一些工業週邊股，半年期既業績已經隨住匯豐話賺錢地開幕，相信恆指亦有機會再炒上。

　　０９年７月恆指既ｐｅ係17.XX 息率係3.xx，屬於一般水平，如果憑０９年半業績去推斷全年，估計對比０８年應較理想，不過股市風雲色變，現時講當然仍然太早，但大市確實有過往９８－２０００年既翻版。

　　溫總最近又講唔會亂黎大派定心丸。